పశ్చిమాసియాలో ఇరాన్-అమెరికా మధ్య ఉద్రిక్తతలు మరింత ముదురుతున్నాయి. ఇరాన్ను లక్ష్యంగా చేసుకుని అమెరికా తాజాగా విధించిన ఆంక్షలపై టెహ్రాన్ తీవ్రంగా స్పందించింది. ఈ చర్యలు స్వతంత్ర దేశాల సార్వభౌమత్వాన్ని దెబ్బతీసేవిగా ఉన్నాయని, వలసవాదం మళ్లీ తిరిగొచ్చినట్లుగా కనిపిస్తోందని ఇరాన్ మండిపడింది.
ఇరాన్పై ఆర్థిక యుద్ధం ప్రకటిస్తున్నట్లు అమెరికా అధ్యక్షుడు డొనాల్డ్ ట్రంప్ ఇటీవల ప్రకటించారు. టెహ్రాన్కు సహకరించే వాణిజ్య భాగస్వామ్య దేశాలు తీవ్ర ఆర్థిక పరిణామాలను ఎదుర్కోవాల్సి ఉంటుందని హెచ్చరించారు.
దీనిపై ఇరాన్ విదేశాంగశాఖ అధికార ప్రతినిధి ఇస్మాయిల్ బఘయీ తీవ్రంగా స్పందించారు. ఓ దేశ సార్వభౌమాధికార పరిధిలో పనిచేసే బ్యాంకులు, సంస్థలు, విమానాశ్రయాలు ఇతర దేశాలతో వాణిజ్యం చేయకుండా అడ్డుకునే అధికారం అమెరికాకు లేదన్నారు. ఇలాంటి చర్యల వల్ల దేశాలు తమ ఆర్థిక, రాజకీయ నిర్ణయాలను స్వతంత్రంగా తీసుకునే హక్కును కోల్పోతాయని పేర్కొన్నారు.
అంతర్జాతీయ చట్టాల ప్రకారం ఇలాంటి ద్వితీయ ఆంక్షలు చెల్లవని ఇరాన్ వాదించింది. ప్రపంచ దేశాల సార్వభౌమత్వానికి ఇది పెను ముప్పుగా మారుతుందని హెచ్చరించింది. అమెరికా ఇలాంటి చర్యలను కొనసాగిస్తే అది కేవలం ఇరాన్-అమెరికా మధ్య ఘర్షణగా మిగలదని, అన్ని దేశాలపై యుద్ధం ప్రకటించినట్లవుతుందని బఘయీ వ్యాఖ్యానించారు. అమెరికా ఆంక్షలకు తాము దీటుగా స్పందిస్తామని స్పష్టం చేశారు.
తాజా పరిణామాలపై ఇరాన్ అధ్యక్షుడు మసూద్ పెజెష్కియాన్ కూడా అమెరికాపై విమర్శలు గుప్పించారు. యుద్ధంలో తామే విజయం సాధించామని, ఇరాన్ గెలుపును ప్రపంచం గుర్తించిందని అన్నారు.
ప్రస్తుతం ఇరాన్ బలమైన, గౌరవప్రదమైన స్థితిలో ఉందని పేర్కొన్న ఆయన.. ఇక యుద్ధాన్ని ముగించడం మంచిదని అభిప్రాయపడ్డారు. అంతర్జాతీయ చట్టాలను ఉల్లంఘించి అమెరికా ఇరాన్లోని పాఠశాలలు, ఆసుపత్రులు, మౌలిక సదుపాయాలను ధ్వంసం చేసిందని ఆరోపించారు.
మరోవైపు అమెరికా అధ్యక్షుడు ట్రంప్ ఇరాన్పై మరోసారి తీవ్ర వ్యాఖ్యలు చేశారు. హర్మూజ్ జలసంధిపై అమెరికాకు పూర్తి నియంత్రణ లభించిందని, తన దృష్టిలో అది ఇప్పుడు అమెరికా భూభాగమేనని పేర్కొన్నారు.
ఇరాన్ ఒప్పందానికి సుముఖంగా ఉన్నప్పటికీ సరైన ఒప్పందం చేసుకోలేకపోతోందని ట్రంప్ అన్నారు. ఇరాన్ వద్ద ప్రస్తుతం నౌకాదళం, వాయుసేన లేవని, ఆర్థిక ఇబ్బందులతో సైనికులకు జీతాలు చెల్లించలేని పరిస్థితి ఉందని వ్యాఖ్యానించారు. ఇరాన్ తీవ్ర ద్రవ్యోల్బణంతో సతమతమవుతోందని పేర్కొన్నారు.అయితే ఇరాన్తో ఒప్పందం విషయంలో తమ ప్రధాన షరతు ఒక్కటేనని ట్రంప్ స్పష్టం చేశారు. టెహ్రాన్ వద్ద ఎట్టి పరిస్థితుల్లోనూ అణ్వాయుధం ఉండకూడదని అన్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
