ప్రస్తుత ఆర్థిక సంవత్సరంలో 9 లక్షల సీఎన్జీ వాహనాలను విక్రయించాలని మారుతీ సుజుకీ ఇండియా లక్ష్యంగా పెట్టుకుంది. గత ఆర్థిక సంవత్సరంలో 7 లక్షల సీఎన్జీ వాహనాలను విక్రయించిన సంస్థ.. ఈ ఏడాది అమ్మకాల్లో సుమారు 30 శాతం వృద్ధిని సాధించాలని భావిస్తోంది. పెట్రోల్, డీజిల్ ధరల పెరుగుదలతో పాటు పర్యావరణహితమైన ఇంధనాలపై వాహన కొనుగోలుదారుల్లో ఆసక్తి పెరగడం సీఎన్జీ వాహనాలకు డిమాండ్ పెరగడానికి ప్రధాన కారణాలుగా మారుతున్నాయి.
గతంలో చిన్న కార్లు, వ్యాన్లను కొనుగోలు చేసే వారే ఎక్కువగా సీఎన్జీ వాహనాలపై ఆసక్తి చూపేవారని మారుతీ సుజుకీ తెలిపింది. అయితే ప్రస్తుతం ఎస్యూవీలను కొనుగోలు చేయాలనుకునే వినియోగదారులు కూడా సీఎన్జీ వాహనాల గురించి ఆరా తీస్తున్నారని సంస్థ సీనియర్ ఎగ్జిక్యూటివ్ పార్థో బెనర్జీ వెల్లడించారు.
మారుతీ విక్టోరిస్ ఎస్యూవీ అమ్మకాల్లో 50 శాతానికి పైగా సీఎన్జీ మోడళ్లదే వాటా ఉందని తెలిపారు. అలాగే బ్రెజా ఎస్యూవీలో సీఎన్జీ ట్యాంక్ను కారు అడుగుభాగంలో ఏర్పాటు చేసినట్లు పేర్కొన్నారు. ఏప్రిల్ నుంచి జూన్ మధ్య కాలంలో 2.2 లక్షల సీఎన్జీ వాహనాలను విక్రయించామని, గతేడాది ఇదే కాలంతో పోలిస్తే ఇది 58 శాతం అధికమని వెల్లడించారు. ప్రస్తుతం తేలికపాటి వాణిజ్య వాహనాలు, కార్ల విభాగాల్లో కలిపి 15 సీఎన్జీ మోడళ్లను మారుతీ విక్రయిస్తోంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
