ఉత్తరప్రదేశ్లోని గ్రేటర్ నోయిడా పరిధిలో స్మార్ట్ఫోన్ పేలిన ఘటన కలకలం రేపింది. నెల రోజుల క్రితమే కొత్త ఫోన్ కొనుగోలు చేసిన మజీద్ అనే యువకుడికి ఈ ప్రమాదం ఎదురైంది. ఘజియాబాద్ నుంచి తన స్వగ్రామమైన దంకోర్కు తిరిగి వస్తుండగా ఈ ఘటన చోటుచేసుకుంది.
ప్రయాణంలో ఉండగా మజీద్ జేబులో ఉన్న స్మార్ట్ఫోన్ ఒక్కసారిగా విపరీతంగా వేడెక్కింది. పరిస్థితిని గమనించిన ఆయన ఫోన్ను జేబులో నుంచి బయటకు తీసేలోపే అది పెద్ద శబ్దంతో పేలిపోయింది. పేలుడు ధాటికి ఫోన్ ముక్కలుముక్కలైంది.
ఫోన్ పేలడంతో మజీద్ దుస్తులకు మంటలు అంటుకున్నాయి. ఆయన రెండు చేతులకు తీవ్ర గాయాలయ్యాయి. బాధితుడి ఆర్తనాదాలు విన్న చుట్టుపక్కల వారు వెంటనే స్పందించి మంటలను ఆర్పారు. అనంతరం మజీద్ను చికిత్స కోసం సమీపంలోని ఆసుపత్రికి తరలించారు.
ఫోన్ పేలడానికి కారణాలేంటి?
స్మార్ట్ఫోన్లలో ఉపయోగించే లిథియం-అయాన్ బ్యాటరీ దెబ్బతినడం, బ్యాటరీలో అంతర్గత లోపం లేదా తయారీ సమయంలో ఏర్పడిన సమస్యల వల్ల ఇలాంటి ఘటనలు జరిగే అవకాశం ఉందని నిపుణులు చెబుతున్నారు.
అలాగే నాసిరకం లేదా అనధికారిక ఛార్జర్లు ఉపయోగించడం, ఫోన్ను ఎక్కువసేపు నిరంతరంగా వినియోగించడం, అధిక వేడి వాతావరణంలో ఉంచడం వల్ల బ్యాటరీ ఉష్ణోగ్రత పెరిగే అవకాశం ఉంటుందని సూచిస్తున్నారు.
ఫోన్ అసాధారణంగా వేడెక్కడం, బ్యాటరీ ఉబ్బడం వంటి లక్షణాలు కనిపిస్తే వెంటనే వినియోగాన్ని నిలిపివేసి నిపుణులను సంప్రదించాలని సూచిస్తున్నారు. ఫోన్ను ఛార్జింగ్లో పెట్టి ఎక్కువసేపు ఉపయోగించకుండా, నాణ్యమైన ఛార్జర్లు, బ్యాటరీలను మాత్రమే వినియోగించడం మంచిదని చెబుతున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
