కరెంట్ షాక్ వల్ల జరిగే ప్రమాదాల్లో విద్యుత్ సంస్థల బాధ్యతను పూర్తిగా తోసిపుచ్చలేమని సర్వోన్నత న్యాయస్థానం పేర్కొంది. అయితే ప్రతి ఘటనలోనూ, ఎలాంటి మినహాయింపులు లేకుండా విద్యుత్ అధికారులనే సంపూర్ణ బాధ్యులుగా నిర్ధారించడం సరికాదని స్పష్టం చేసింది.
జస్టిస్ సంజయ్ కరోల్, జస్టిస్ ఎన్.కోటీశ్వర్ సింగ్తో కూడిన ధర్మాసనం ఈ వ్యాఖ్యలు చేసింది. కర్ణాటకలో చోటుచేసుకున్న రెండు విద్యుత్ ప్రమాదాలకు సంబంధించిన కేసుల విచారణ సందర్భంగా ఈ తీర్పు వెలువడింది. ఒక వ్యక్తి క్రికెట్ బంతిని తీసుకునే క్రమంలో 66 కె.వి. విద్యుత్ లైన్ను తాకి ప్రాణాలు కోల్పోగా.. మరో వ్యక్తి 11 కె.వి. ట్రాన్స్మిషన్ లైన్ను తాకి తీవ్రంగా గాయపడ్డాడు.
విద్యుత్ సరఫరా అత్యంత ప్రమాదకరమైనదని, దాని పంపిణీ సమయంలో కూడా పలు రకాల ప్రమాదాలు జరిగే అవకాశం ఉంటుందని ధర్మాసనం పేర్కొంది. విద్యుత్ సంస్థల నిర్లక్ష్యం లేదా లోపం కారణంగా ప్రమాదం జరిగితే బాధితులకు పరిహారం అందించాల్సిన బాధ్యత ఉంటుందని స్పష్టం చేసింది. అయితే ప్రతి ప్రమాదాన్ని ఒకే కోణంలో చూడలేమని పేర్కొంది.
ఈ కేసులో కర్ణాటక హైకోర్టు విద్యుత్ సంస్థదే పూర్తి బాధ్యత అంటూ ఇచ్చిన తీర్పులను సుప్రీంకోర్టు కొట్టివేసింది. అంతేకాకుండా మోటారు వాహనాల చట్టంలోని నిబంధనలను వర్తింపజేసి అధిక పరిహారాన్ని నిర్ణయించడం కూడా సముచితం కాదని అభిప్రాయపడింది. కర్ణాటక పవర్ ట్రాన్స్మిషన్ కార్పొరేషన్ దాఖలు చేసిన అప్పీల్ను సుప్రీంకోర్టు అనుమతించింది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
