గ్రామీణ ప్రాంతాల్లోని పుణ్యక్షేత్రాలకు మెరుగైన రహదారి సౌకర్యం కల్పించేందుకు ప్రభుత్వం ‘గుడిబాట’ కార్యక్రమాన్ని చేపట్టింది. ఇందులో భాగంగా 100కుపైగా దేవాలయాలను 205 కిలోమీటర్ల మేర రహదారులతో అనుసంధానిస్తున్నారు. జాతీయ గ్రామీణ ఉపాధి హామీ పథకం, వీబీ జీరామ్జీ, సాస్కీ నిధులను ఇందుకోసం వినియోగిస్తున్నారు.
భక్తుల సంఖ్య పెరుగుతున్నా మారుమూల ప్రాంతాల్లోని ఆలయాలకు సరైన రహదారులు లేక ఇబ్బందులు ఎదురవుతున్న విషయాన్ని క్షేత్రస్థాయి పర్యటనల్లో ఉప ముఖ్యమంత్రి పవన్కల్యాణ్ గుర్తించారు. దీంతో ఆలయాలకు రహదారి సౌకర్యాన్ని మెరుగుపరిచేలా ప్రత్యేక కార్యక్రమానికి శ్రీకారం చుట్టారు. మొత్తం రూ.120 కోట్లతో 26 రహదారుల నిర్మాణ పనులు చేపట్టి, ఇప్పటికే పలు పనులను పూర్తి చేశారు.
అహోబిలంలోని శ్రీలక్ష్మీ నరసింహ క్షేత్రం, మదనపల్లె నియోజకవర్గంలోని గట్టు వెంకటరమణస్వామి ఆలయం, దేవరాయ నల్లగంగమ్మ ఆలయం, మర్రిపూడి సమీపంలోని పుడియగిరి శ్రీలక్ష్మీ నరసింహస్వామి క్షేత్రం ఘాట్ రోడ్డు, సత్యవేడు నియోజకవర్గంలోని సింగిరికోన, సోమేశ్వరం–తలుపులమ్మలోవ మార్గం, ఐఎస్ జగన్నాథపురం ఘాట్ రోడ్డు పనులు పూర్తయ్యాయి.
ఈ రహదారులను ఉప ముఖ్యమంత్రి పవన్కల్యాణ్ చేతుల మీదుగా ప్రారంభించి ప్రజలకు అందుబాటులోకి తీసుకురావడానికి అధికారులు ఏర్పాట్లు చేస్తున్నారు. మరోవైపు సాస్కీ నిధులతో చేపట్టిన కోనసీమ తిరుమల వాడపల్లి కరకట్ట మార్గం, రూ.3 కోట్లతో నిర్మిస్తున్న అర్ధగిరి ఆంజనేయస్వామి ఆలయ రహదారి, నిడదవోలులో ఆంజనేయస్వామి రహదారి, పూతలపట్టు నియోజకవర్గంలోని తోటవారిపల్లి మల్లేశ్వరస్వామి ఆలయ రహదారి పనులు పురోగతిలో ఉన్నాయి.
శ్రీసత్యసాయి జిల్లాకు కేటాయించిన దాదాపు 72 కిలోమీటర్ల రహదారుల పనులు వివిధ దశల్లో కొనసాగుతున్నాయి. రహదారుల నిర్మాణంలో నాణ్యత ప్రమాణాలను తప్పనిసరిగా పాటించాలని పవన్కల్యాణ్ అధికారులను ఆదేశించారు. పుణ్యక్షేత్రాలకు వచ్చే భక్తులకు సురక్షితమైన, సౌకర్యవంతమైన ప్రయాణం కల్పించడమే లక్ష్యంగా పనులను వేగవంతం చేస్తున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
