కృత్రిమ మేధ (AI) రంగం ప్రపంచ ఆర్థిక వ్యవస్థపై ప్రభావాన్ని మరింత పెంచుకుంటోంది. ఓవైపు ఏఐ ఆధారిత సాంకేతికతల కారణంగా కొన్ని ఉద్యోగాలపై ఆందోళనలు వ్యక్తమవుతుండగా.. మరోవైపు ఇదే రంగం భారీ సంపదను సృష్టిస్తోంది. ఏఐ ఆధారిత టెక్నాలజీ కంపెనీలు, వాటి స్టాక్స్లో పెట్టుబడులు పెట్టిన సంపన్నులు భారీగా లాభపడుతున్నారు.
ప్రపంచ సంపన్నులపై గ్లోబల్ ఇంటెలిజెన్స్ ప్లాట్ఫామ్ అల్ట్రాటా విడుదల చేసిన వెల్త్ రిపోర్ట్ ఈ విషయాన్ని వెల్లడించింది. గతేడాది ప్రపంచవ్యాప్తంగా బిలియనీర్ల సంఖ్య దాదాపు 3,800కు చేరింది. వీరి మొత్తం సంపద 15.1 ట్రిలియన్ డాలర్లకు చేరినట్లు నివేదిక పేర్కొంది. భారత కరెన్సీలో ఇది సుమారు రూ.1,417.37 లక్షల కోట్లు.
గత ఐదేళ్లలో ఏఐ రంగంలో సగటున 30 మిలియన్ డాలర్ల వరకు పెట్టుబడులు చేసిన కంపెనీలు అధిక మార్కెట్ విలువను సాధించినట్లు అల్ట్రాటా తెలిపింది. ఏఐ ఆధారిత టెక్నాలజీ స్టాక్స్లో వచ్చిన భారీ వృద్ధి కూడా సంపద సృష్టికి ప్రధాన కారణంగా మారింది. దీంతో బిలియనీర్ల మొత్తం సంపద 12.8 శాతం పెరగగా.. వారి సంఖ్య 8.2 శాతం వృద్ధి చెందింది.
ప్రపంచవ్యాప్తంగా ఉన్న బిలియనీర్ల సంపదలో అత్యధిక భాగం కొద్దిమంది సూపర్ బిలియనీర్ల వద్దే కేంద్రీకృతమై ఉంది. 50 బిలియన్ డాలర్లకు పైగా సంపద కలిగిన 29 మంది సూపర్ బిలియనీర్ల వద్ద ప్రపంచ కుబేరుల మొత్తం సంపదలో 27 శాతం ఉన్నట్లు నివేదిక పేర్కొంది. ఏఐ, టెక్నాలజీ, పెట్టుబడులు, స్టాక్ మార్కెట్ వృద్ధి ఈ స్థాయి సంపద పెరుగుదలకు దోహదం చేశాయి.
ప్రాంతాల వారీగా చూస్తే 1,337 మంది బిలియనీర్లతో ఉత్తర అమెరికా అగ్రస్థానంలో నిలిచింది. 1,081 మందితో ఐరోపా రెండో స్థానంలో ఉండగా.. 881 మంది బిలియనీర్లతో ఆసియా మూడో స్థానంలో ఉంది. ప్రపంచ సంపదలో టెక్నాలజీ రంగం ప్రాధాన్యం పెరుగుతున్న నేపథ్యంలో రానున్న రోజుల్లోనూ ఏఐ ఆధారిత కంపెనీల విలువలు, పెట్టుబడులపై ఆసక్తి మరింత పెరిగే అవకాశం ఉందని ఈ గణాంకాలు సూచిస్తున్నాయి.
మరోవైపు, ప్రపంచ కుబేరుల జాబితాలో లింగ అసమానత కూడా స్పష్టంగా కనిపిస్తోంది. మొత్తం సంపన్నుల్లో మహిళల వాటా కేవలం 13 శాతమే ఉండటం గమనార్హం.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
