ఎవరో కన్నవాళ్లు వదిలేసిన పిల్లలకు తమవారిగా మారారు.. ఆపదలో ఉన్న చిన్నారులకు అండగా నిలిచారు.. అవసరమైన చోట తమ సొంత ఆస్తులను సైతం అమ్మేందుకు వెనుకాడలేదు. బిహార్కు చెందిన సంజీవ్ కుమార్ సిన్హా కుటుంబం మానవత్వానికి నిలువెత్తు ఉదాహరణగా నిలుస్తోంది.
చెరకు తోటలో ఎవరో వదిలేసిన పసికందును చూసిన సంజీవ్ కుమార్ సిన్హా చలించిపోయారు. వెంటనే ఆ చిన్నారిని ఇంటికి తీసుకెళ్లి భార్య అనురితా కుమారితో కలిసి కంటికి రెప్పలా చూసుకున్నారు. ఆ పాపకు ‘ఆకాంక్ష’ అని పేరు పెట్టి తమ కుటుంబంలో ఒకరిగా పెంచారు. ప్రస్తుతం ఆ చిన్నారి మూడో తరగతి చదువుతోంది.
అంతటితో ఆగని ఈ కుటుంబం.. పరవల్పూర్ బ్లాక్ కార్యాలయం వద్ద కన్నవాళ్లు వదిలేసిన ఎనిమిదేళ్ల దివ్యాంగ బాలిక అంజు కుమారిని కూడా చేరదీసింది. ఆమెను కూతురిలా పెంచడంతో పాటు ఇంటర్ వరకు చదివించారు. అనంతరం ఆమె వివాహానికి సుమారు రూ.3 లక్షలు ఖర్చు చేసి బాధ్యతను నిర్వర్తించారు.
పక్కింటి బాలుడు అభిషేక్ చిన్నతనంలో తీవ్రమైన న్యుమోనియాతో ప్రాణాపాయ స్థితికి చేరుకున్న సమయంలోనూ సిన్హా కుటుంబం అండగా నిలిచింది. వైద్య ఖర్చులకు సహాయం చేసి ఆ బాలుడిని ఆదుకున్నారు.
ఇలా అవసరంలో ఉన్న పిల్లల కోసం తమ పిల్లల భవిష్యత్తు కోసం దాచుకున్న పొదుపు మొత్తాలను కూడా ఖర్చు చేశారు. చివరకు రాజ్గిర్లో సుమారు రూ.40 లక్షల విలువైన ఆస్తిని సైతం విక్రయించారు. అయినప్పటికీ సేవా కార్యక్రమాలపై వారి సంకల్పం మాత్రం తగ్గలేదు.
ఉద్యోగ విరమణ అనంతరం అందుబాటులోకి వచ్చే మొత్తంతో అనాథాశ్రమం, వృద్ధాశ్రమం ఏర్పాటు చేయాలని సంజీవ్ కుమార్ సిన్హా భావిస్తున్నారు. జీవితంలో సంపాదించినదంతా తమకోసం కాకుండా అవసరంలో ఉన్నవారికి ఉపయోగపడాలనే ఆయన ఆలోచన పలువురి దృష్టిని ఆకర్షిస్తోంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
