రష్యా నుంచి చమురు కొనుగోలు చేస్తున్న దేశాలపై ఒత్తిడి పెంచే దిశగా అమెరికా మరో కీలక అడుగు వేసింది. రష్యాపై ఆంక్షలను మరింత కఠినతరం చేసే బిల్లుకు అమెరికా ప్రతినిధుల సభ ఆమోదం తెలిపింది. 262-159 ఓట్ల తేడాతో బిల్లు పాస్ అయింది. ఇప్పటికే ఆగస్టులో సెనెట్ ఈ బిల్లుకు ఆమోదం తెలిపిన నేపథ్యంలో.. ఇప్పుడు అధ్యక్షుడు డొనాల్డ్ ట్రంప్ సంతకం చేస్తే ఇది చట్టంగా మారనుంది.
‘Sanctioning Russia and Iran Act of 2026’ పేరుతో రూపొందించిన ఈ చట్టం ప్రధాన ఉద్దేశం రష్యాపై ఆర్థిక ఒత్తిడిని పెంచడమే. ఉక్రెయిన్లో కొనసాగుతున్న యుద్ధాన్ని ముగించేలా రష్యాపై ఒత్తిడి తీసుకురావాలని అమెరికా భావిస్తోంది. ఇందులో భాగంగా రష్యా అధికారులు, ఆర్థిక సంస్థలు, ఇంధన ప్రాజెక్టులపై మరిన్ని ఆంక్షలు విధించే అవకాశాలు ఉన్నాయి.
ఈ బిల్లు అమల్లోకి వస్తే రష్యా నుంచి గణనీయమైన స్థాయిలో ముడి చమురు, సహజ వాయువు కొనుగోలు చేసే దేశాలపై గరిష్టంగా 100 శాతం వరకు అదనపు సుంకాలు విధించే అధికారం అమెరికా అధ్యక్షుడికి లభించనుంది. దీంతో రష్యా చమురును భారీగా దిగుమతి చేసుకునే భారత్, చైనాలపై ఈ నిర్ణయం ప్రభావం చూపే అవకాశం ఉంది.
ప్రస్తుతం రష్యా చమురును అత్యధికంగా కొనుగోలు చేస్తున్న దేశాల్లో చైనా ముందుండగా.. భారత్ కూడా ప్రధాన దిగుమతిదారుగా ఉంది. చట్టం అమల్లోకి వచ్చిన తర్వాత కూడా భారత్ రష్యా నుంచి చమురు కొనుగోళ్లను కొనసాగిస్తే.. భారత్ నుంచి అమెరికాకు ఎగుమతి అయ్యే వస్తువులపై అదనపు సుంకాలు విధించే అవకాశం ఉంటుంది.
అదే సమయంలో రష్యా చమురును ఆంక్షలను తప్పించుకుని అంతర్జాతీయ మార్కెట్లకు తరలించే ‘షాడో ట్యాంకర్లు’పై కూడా కఠిన చర్యలు తీసుకునే నిబంధనలు బిల్లులో ఉన్నాయి. ఇరాన్ ఇంధన, ఆయుధ రంగాలకు నిధులు అందకుండా గతంలో విధించిన ఆంక్షలను 2031 వరకు పొడిగించే అంశం కూడా ఇందులో ఉంది.
అయితే ఈ బిల్లు ఆమోదం పొందడం, భారత్పై 100 శాతం సుంకం తక్షణమే అమల్లోకి రావడం రెండూ ఒకటే కాదనే అంశం గమనించాల్సి ఉంది. ముందుగా అధ్యక్షుడి సంతకం అవసరం. ఆ తర్వాత చట్టంలోని అధికారాలను అమెరికా ప్రభుత్వం ఎలా, ఎప్పుడు ఉపయోగిస్తుందనేది కీలకంగా మారనుంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
