ఇరాన్-అమెరికా మధ్య కొనసాగుతున్న ఉద్రిక్తతలకు తెరదించే ప్రయత్నాలకు మరోసారి ఎదురుదెబ్బ తగిలినట్లు అంతర్జాతీయ మీడియా కథనాలు పేర్కొంటున్నాయి. ఇరాన్ ప్రతిపాదించిన ఏడు రోజుల కాల్పుల విరమణ ప్రణాళికను అమెరికా అధ్యక్షుడు డొనాల్డ్ ట్రంప్ తిరస్కరించినట్లు ది వాల్ స్ట్రీట్ జర్నల్ను ఉటంకిస్తూ పలు మీడియా సంస్థలు వెల్లడించాయి. అంతేకాకుండా నవంబర్లో జరిగే అమెరికా మధ్యంతర ఎన్నికల తర్వాత ఇరాన్పై మళ్లీ వైమానిక దాడులు చేపట్టే అవకాశాన్ని ట్రంప్ తన సన్నిహితులతో ప్రస్తావించినట్లు కథనాలు పేర్కొన్నాయి.
ఇరాన్ విదేశాంగ మంత్రి అబ్బాస్ అరాగ్చి వెల్లడించిన వివరాల ప్రకారం.. టెహ్రాన్ ఏడు రోజుల వ్యవధిలో హర్మూజ్ జలసంధిని తిరిగి తెరిచే ప్రతిపాదన చేసింది. ఇందుకు ప్రతిగా అమెరికా ఇరాన్ ఓడరేవులపై విధించిన నౌకా దిగ్బంధనాన్ని ఎత్తివేయడంతో పాటు చమురు ఆంక్షలను సడలించాలని ఇరాన్ కోరింది. అలాగే ప్రాంతీయంగా కాల్పుల విరమణ కొనసాగిస్తూ, అమెరికాతో అణు కార్యక్రమంపై చర్చలను తిరిగి ప్రారంభించేందుకు సిద్ధంగా ఉన్నట్లు తెలిపింది. ఈ ప్రతిపాదనను ఖతార్ మధ్యవర్తుల ద్వారా అమెరికాకు చేరవేసినట్లు అరాగ్చి తెలిపారు.
అరాగ్చి వివరించిన టైమ్లైన్ ప్రకారం.. అమెరికా అవసరమైన చర్యలు చేపట్టిన తర్వాత కొన్ని రోజుల్లో సముద్ర మార్గం సాధారణ రవాణాకు సిద్ధం చేయడం, ఏడో రోజున అమెరికాతో అణు చర్చలను ప్రారంభించడం ప్రతిపాదనలో భాగంగా ఉన్నట్లు తెలుస్తోంది. హర్మూజ్ జలసంధి ప్రపంచ చమురు రవాణాలో కీలకమైన మార్గం కావడంతో, ఈ ప్రతిపాదన అంతర్జాతీయ ఇంధన మార్కెట్లపైనా ప్రభావం చూపే అంశంగా మారింది.
అయితే, ఇరాన్ తన హామీలను అమలు చేస్తుందా? అనే విషయంలో ట్రంప్ పరిపాలనకు అనుమానాలు ఉన్నట్లు అమెరికా మీడియా కథనాలు పేర్కొంటున్నాయి. మరోవైపు అమెరికా, ఇరాన్ మధ్య మధ్యవర్తుల ద్వారా చర్చలు పూర్తిగా నిలిచిపోలేదని, అణు అంశంతో పాటు ఇతర విషయాలపై సంప్రదింపులు కొనసాగుతున్నాయని అమెరికా అధికారులను ఉటంకిస్తూ కొన్ని నివేదికలు తెలిపాయి.
ఇక నవంబర్ మధ్యంతర ఎన్నికల తర్వాత ఇరాన్పై అమెరికా వైఖరి ఎలా ఉంటుందన్నది ప్రస్తుతం ప్రధాన ప్రశ్నగా మారింది. ట్రంప్ స్వయంగా తన ఇరాన్ విధానం ఎన్నికలతో ప్రభావితం కాదని పేర్కొన్నప్పటికీ, ఎన్నికల తర్వాత ఒప్పందం సాధ్యమవుతుందని కూడా ఆయన గతంలో వ్యాఖ్యానించారు. తాజా నివేదికల్లో మాత్రం ఎన్నికల అనంతరం మళ్లీ సైనిక చర్యకు సిద్ధమవుతున్నట్లు ఆయన తన సహాయకులతో చెప్పినట్లు పేర్కొనడం గమనార్హం.
Andhra pradesh Andhrapradesh APNews BreakingNews Breaking news BusinessNews CricketNews CrimeNews Crime News EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
