తమిళనాడు రాష్ట్రంలోని తూత్తుకుడి జిల్లాలో పెళ్లైన నెలకే ఓ యువతి దుర్మరణం చెందిన విషాద ఘటన చోటుచేసుకుంది. సౌత్ తిట్టంకులం ప్రాంతానికి చెందిన అనిత (24)కు గత నెలలో సురేశ్ అనే వ్యక్తితో వివాహం జరిగింది.
పోలీసులు తెలిపిన వివరాల ప్రకారం, వివాహం అనంతరం సురేశ్ ఉద్యోగ నిమిత్తం విదేశాలకు వెళ్లగా, ఇటీవలే తిరిగి ఇంటికి వచ్చారు. ఈ నేపథ్యంలో శనివారం తెల్లవారుజామున దంపతులు కజుగుమలై ప్రాంతంలోని ఓ ఆలయానికి దర్శనార్థం వెళ్లారు.
పూజ అనంతరం ఆలయ గుట్టపై కోతులకు అరటి పండ్లు వేస్తుండగా, కోతుల గుంపు ఒక్కసారిగా అనితపై దాడి చేసినట్లు తెలుస్తోంది. దీంతో భయాందోళనకు గురైన ఆమె అక్కడి నుంచి పరుగెత్తుతుండగా ప్రమాదవశాత్తు కొండపై నుంచి కిందపడిపోయింది.
తీవ్ర గాయాలు కావడంతో అనిత అక్కడికక్కడే మృతి చెందింది. తన కళ్లెదుటే భార్య ప్రాణాలు కోల్పోవడంతో భర్త సురేశ్ షాక్కు గురయ్యారు. ఘటనపై సమాచారం అందుకున్న పోలీసులు సంఘటనా స్థలానికి చేరుకుని దర్యాప్తు ప్రారంభించారు. మృతదేహాన్ని పోస్టుమార్టం కోసం తరలించారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate MovieNews News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
