హైదరాబాద్లోని అమెరికన్ కాన్సులేట్ కార్యాలయం పక్కన ఉన్న రహదారికి ‘డొనాల్డ్ ట్రంప్ అవెన్యూ’గా నామకరణం చేయడంపై అమెరికా అధ్యక్షుడు డొనాల్డ్ ట్రంప్ స్పందించారు. ఈ సందర్భంగా ఆయన తన సోషల్ మీడియా ప్లాట్ఫామ్ ‘ట్రూత్ సోషల్’లో పోస్ట్ చేస్తూ తెలంగాణ ప్రభుత్వానికి కృతజ్ఞతలు తెలిపారు.
తన పేరుతో రహదారికి నామకరణం చేయడం ద్వారా గౌరవం పొందిన తొలి అమెరికా అధ్యక్షుడిగా తానే ఉన్నానని ట్రంప్ పేర్కొన్నారు. ఈ సందర్భంగా ఆవిష్కరించిన ప్రత్యేక ఫలకాన్ని కూడా ఆయన పంచుకున్నారు.
అమెరికా 250వ స్వాతంత్ర్య దినోత్సవాన్ని పురస్కరించుకొని ఈ నెల 23న హైదరాబాద్లో ప్రత్యేక విందు కార్యక్రమం నిర్వహించారు. ఈ వేడుకల్లో భాగంగా యూఎస్ కాన్సులేట్ సమీపంలోని రహదారికి ‘డొనాల్డ్ ట్రంప్ అవెన్యూ’గా నామకరణం చేస్తూ రూపొందించిన ఫలకాన్ని అమెరికా రాయబారి సెర్గియో గోర్తో కలిసి డిప్యూటీ సీఎం భట్టి విక్రమార్క ఆవిష్కరించారు.
ఈ ప్రాంతం సమీపంలో మైక్రోసాఫ్ట్, గూగుల్, అమెజాన్ వంటి ప్రముఖ అమెరికా టెక్ కంపెనీలు ఉండటం గమనార్హం. తెలంగాణ, అమెరికా మధ్య వాణిజ్య, పెట్టుబడి, సాంకేతిక సంబంధాలు మరింత బలోపేతం అవుతున్న నేపథ్యంలో ఈ నిర్ణయం తీసుకున్నట్లు ప్రభుత్వం తెలిపింది.
ఈ నామకరణం ద్వారా హైదరాబాద్ అంతర్జాతీయ స్థాయిలో మరింత గుర్తింపు పొందిందని అధికారులు అభిప్రాయపడుతున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate MovieNews News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
