కడప జిల్లాలో ఏసీబీ పంజా: లంచం తీసుకుంటూ చిక్కిన ఎస్సై, సీఐ!

ఖాకీ వనంలో అవినీతి గుట్టురట్టయింది. కడప జిల్లా సింహాద్రిపురం పోలీస్ స్టేషన్ వేదికగా సాగుతున్న వసూళ్ల పర్వానికి ఏసీబీ అధికారులు చెక్ పెట్టారు. రూ. 3 లక్షలు లంచం తీసుకుంటూ ఎస్సై అనిల్ కుమార్ రెడ్ హ్యాండెడ్‌గా పట్టుబడగా, ఈ వ్యవహారంలో రూరల్ సీఐ వెంకటరమణ పాత్రపై కూడా అధికారులు విచారణ జరుపుతున్నారు.

ఏం జరిగిందంటే?

ఈ అవినీతి కథ వెనుక ఒక అంత్ర ర్రాష్ట్ర బైక్ దొంగతనాల ముఠా లింక్ ఉంది.

ఒత్తిడి: పోలీసుల వేధింపులు తట్టుకోలేక బ్రహ్మం ఇప్పటికే శనివారం రూ. లక్ష అందజేశాడు. మిగిలిన రూ. 3 లక్షల కోసం ఎస్సై అనిల్ కుమార్ తీవ్రంగా ఒత్తిడి చేయడంతో, బాధితుడు ఏసీబీని ఆశ్రయించాడు. కాశ్మీర్‌లో దొంగిలించిన బైక్‌లకు ఏపీలో నంబర్ ప్లేట్లు మార్చి విక్రయిస్తున్న ముఠాలో ‘బ్రహ్మం’ అనే వ్యక్తి కీలక సభ్యుడు. ఈ ముఠా సాయంతో కొందరు నిందితులు చైన్ స్నాచింగ్‌లకు పాల్పడి సుమారు రూ. 15 లక్షలు కాజేశారు.

పోలీసుల ఎంట్రీ: ఈ కేసును దర్యాప్తు చేస్తున్న పోలీసులు, బ్రహ్మంను భయపెట్టి కేసు నుంచి తప్పించాలంటే రూ. 4 లక్షలు ఇవ్వాలని డిమాండ్ చేశారు.

ఏసీబీ వ్యూహం – రెడ్ హ్యాండెడ్‌గా:

బాధితుడు బ్రహ్మం నుంచి ఎస్సై అనిల్ కుమార్ స్టేషన్ లోనే రూ. 3 లక్షలు తీసుకుంటుండగా, మాటు వేసిన ఏసీబీ అధికారులు ఒక్కసారిగా దాడి చేశారు. ఎస్సై చేతులు రసాయనిక పరీక్షలో పాజిటివ్‌గా తేలడంతో వెంటనే అదుపులోకి తీసుకున్నారు

పైస్థాయి అధికారుల హస్తం?

ఈ కేసులో మరో షాకింగ్ విషయం ఏమిటంటే, తాను కేవలం పైస్థాయి అధికారుల ఆదేశాల మేరకే ఈ వసూళ్లకు పాల్పడినట్లు ఎస్సై అనిల్ కుమార్ వాంగ్మూలం ఇచ్చినట్లు తెలుస్తోంది.

డీఎస్పీ మరియు రూరల్ సీఐ ఆదేశాలతోనే డబ్బులు డిమాండ్ చేశానని ఎస్సై పేర్కొనడంతో, ఏసీబీ అధికారులు రూరల్ సీఐ వెంకటరమణను కూడా అదుపులోకి తీసుకుని విచారిస్తున్నారు. డీఎస్పీ పాత్రపై కూడా ఆరా తీస్తున్నారు.