ఆంధ్రప్రదేశ్లో పేరుకుపోయిన చెత్తను పూర్తిస్థాయిలో తొలగించి, శాస్త్రీయ పద్ధతిలో ఘన వ్యర్థాల నిర్వహణ చేపట్టేందుకు ప్రభుత్వం చర్యలు ముమ్మరం చేసింది. రాష్ట్రంలో ప్రతిరోజూ సుమారు 7 వేల టన్నుల చెత్త ఉత్పత్తి అవుతోందని మంత్రి నారాయణ తెలిపారు.
రాష్ట్రంలోని మున్సిపాలిటీల్లో పేరుకుపోయిన దాదాపు 70 లక్షల టన్నుల చెత్తను అక్టోబర్ నాటికి పూర్తిగా తొలగించేందుకు చర్యలు తీసుకుంటున్నట్లు చెప్పారు. అదే సమయంలో చెత్త నిర్వహణను మరింత సమర్థవంతంగా చేపట్టేందుకు 107 మున్సిపాలిటీల్లో కొత్త ఫ్రెష్ వేస్ట్ ప్లాంట్లను ఏర్పాటు చేస్తున్నట్లు వెల్లడించారు. ఈ ప్లాంట్ల నిర్మాణాన్ని సెప్టెంబర్ నెలాఖరులోగా పూర్తి చేసి ఘన వ్యర్థాల నిర్వహణ చేపడతామని తెలిపారు.
చెత్తను విద్యుత్గా మార్చే వేస్ట్ టు ఎనర్జీ ప్లాంట్ల ఏర్పాటుపైనా ప్రభుత్వం దృష్టి సారించిందని మంత్రి వివరించారు. కడప, కర్నూలు, తిరుపతి, నెల్లూరు, విజయవాడ, పెద్దాపురం ప్రాంతాల్లో ప్లాంట్లను ఏర్పాటు చేస్తున్నట్లు చెప్పారు. పెద్దాపురం ప్లాంట్ పూర్తయిన అనంతరం రాజమహేంద్రవరం నుంచి సేకరించే చెత్తను అక్కడికి తరలిస్తామని పేర్కొన్నారు.
మున్సిపాలిటీల్లో చెత్త సమస్యకు శాశ్వత పరిష్కారం చూపడంతో పాటు వ్యర్థాలను వనరులుగా మార్చే దిశగా ప్రభుత్వం ముందుకు సాగుతోందని మంత్రి తెలిపారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
