తమిళనాడులో చిన్నారులపై జరిగిన దారుణ అత్యాచార కేసులో కోర్టు కఠిన తీర్పు వెలువరించింది. ముగ్గురు బాలికలను బంధించి అత్యాచారానికి పాల్పడిన నిందితుడికి తిరునెల్వేలి పోక్సో ప్రత్యేక కోర్టు మరణశిక్ష విధించింది. ఈ ఘటన తమిళనాడు రాష్ట్రాన్ని కుదిపేసిన కేసుగా నిలిచింది.
తిరునెల్వేలి జిల్లా మేళపాళయం సమీపంలోని అళగిరిపురం ప్రాంతానికి చెందిన ఆనంద్శేఖర్ (41) అనే కూలీ 2023లో ఈ దారుణానికి పాల్పడ్డాడు. 6, 7, 8 ఏళ్ల వయసున్న ముగ్గురు బాలికలను మోసం చేసి ఒక గదిలోకి తీసుకెళ్లి బంధించి అత్యాచారం చేసినట్లు విచారణలో వెల్లడైంది.
బాలికలు ఇంటికి చేరుకున్న తర్వాత జరిగిన విషయాన్ని తల్లిదండ్రులకు చెప్పడంతో వారు వెంటనే పోలీసులను ఆశ్రయించారు. కేసు నమోదు చేసిన పోలీసులు నిందితుణ్ని అరెస్టు చేసి పోక్సో చట్టం కింద కేసు నమోదు చేశారు. అనంతరం దర్యాప్తు పూర్తిచేసి కోర్టులో ఛార్జ్షీట్ దాఖలు చేశారు.
ఈ కేసుపై విచారణ తిరునెల్వేలిలోని ప్రత్యేక పోక్సో కోర్టులో సాగింది. గురువారం విచారణ పూర్తిచేసిన న్యాయమూర్తి నేరం స్పష్టంగా రుజువైందని పేర్కొంటూ నిందితుడికి మరణశిక్ష విధించారు.
అదే సమయంలో బాధిత బాలికలకు న్యాయం చేయాలనే ఉద్దేశంతో రాష్ట్ర ప్రభుత్వం తరఫున ప్రతి బాలికకు రూ.7 లక్షల చొప్పున పరిహారం అందజేయాలని కోర్టు ఆదేశించింది. ఈ తీర్పు చిన్నారులపై జరిగే లైంగిక నేరాలపై కఠిన సందేశం ఇస్తుందని న్యాయవర్గాలు అభిప్రాయపడుతున్నాయి.
Andhra pradesh Andhrapradesh AndhraPradeshNews APNews APPolitics Breaking news BreakingNews Business BusinessNews ChandrababuNaidu Chandrababu naidu CricketNews CrimeNews Entertainment EntertainmentNews Geopolitics Government HealthyLifestyle India IndiaNews LawAndOrder Movies Naralokesh News news24 newsalert NewsToday NewsUpdate NewsUpdates PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews SportsNews Tdp Telangana TelanganaNews TeluguCinema TeluguNews Tollywood WorldNews
