ముఖ్యమంత్రి నారా చంద్రబాబు నాయుడు తన పుట్టినరోజు వేడుకలను అత్యంత సామాన్యుల మధ్య, సేవా కార్యక్రమాలతో జరుపుకున్నారు. విజయవాడలోని పటమటలో ఉన్న అన్న క్యాంటీన్కు విచ్చేసిన చంద్రబాబు దంపతులు, అక్కడ పేదలకు స్వయంగా అల్పాహారాన్ని వడ్డించి వారి ముఖాల్లో ఆనందాన్ని నింపారు. అనంతరం సామాన్యులతో కలిసి భోజన బల్లపై కూర్చుని అల్పాహారం స్వీకరించి అందరినీ ఆశ్చర్యపరిచారు.
ముఖ్యమంత్రి పుట్టినరోజును పురస్కరించుకుని ఆయన భార్య నారా భువనేశ్వరి ఒక గొప్ప నిర్ణయం తీసుకున్నారు. రాష్ట్రవ్యాప్తంగా ఉన్న అన్న క్యాంటీన్ల ఒక రోజు నిర్వహణ ఖర్చు రూ.76 లక్షలను ఆమె విరాళంగా ప్రకటించారు. ఈ విరాళం కారణంగా రాష్ట్రంలోని మొత్తం 269 అన్న క్యాంటీన్లలో ఈరోజు మూడు పూటలా పేదలకు ఉచితంగా ఆహారాన్ని అందిస్తున్నారు.
పటమట అన్న క్యాంటీన్ వద్దకు ముఖ్యమంత్రి చేరుకోగానే ప్రజలు, అభిమానులు “హ్యాపీ బర్త్డే సీఎం సార్” అంటూ నినాదాలతో హోరెత్తించారు. తనపై చూపిస్తున్న ప్రేమాభిమానాలకు ముగ్ధులైన చంద్రబాబు, అందరినీ ఆత్మీయంగా పలకరిస్తూ అభివాదం చేశారు. ఆడంబరాలకు పోకుండా పేదవాడి ఆకలి తీర్చే కార్యక్రమంతో తన పుట్టినరోజును జరుపుకోవడం పట్ల సర్వత్రా హర్షం వ్యక్తమవుతోంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
