దేశంలో వాట్సప్ వెబ్ మరియు డెస్క్టాప్ వినియోగదారులను లక్ష్యంగా చేసుకుని భారీ స్థాయిలో మాల్వేర్ దాడులు జరుగుతున్నాయని జాతీయ సైబర్ సెక్యూరిటీ పర్యవేక్షణ సంస్థ సెర్ట్ఇన్ హెచ్చరించింది. ఈ మాల్వేర్ పరికరాల్లోకి ప్రవేశిస్తే, సైబర్ నేరగాళ్లు అనుమతి లేకుండానే కంప్యూటర్ లేదా ల్యాప్టాప్ను పూర్తిగా నియంత్రించే ప్రమాదం ఉందని పేర్కొంది.
కాస్పెర్స్కీ, సెక్యూర్లిస్ట్ వంటి ప్రముఖ సైబర్ సెక్యూరిటీ సంస్థల పరిశోధనల ఆధారంగా సెర్ట్ఇన్ ఈ నివేదికను రూపొందించింది. హ్యాకర్లు మొదట కొన్ని వాట్సప్ ఖాతాలను హ్యాక్ చేసి, ఆ తర్వాత వాటిలోని కాంటాక్ట్స్కు చెందిన స్నేహితులు, బంధువులు, సహోద్యోగులకు ప్రమాదకరమైన ఫైళ్లను మెసేజ్ల రూపంలో పంపుతున్నారని తెలిపింది.
మనకు తెలిసిన వ్యక్తుల నుంచే మెసేజ్ రావడంతో వినియోగదారులు అనుమానం లేకుండా ఫైళ్లను ఓపెన్ చేసి మోసపోతున్నారని సెర్ట్ఇన్ పేర్కొంది. ఈ మాల్వేర్ ద్వారా విజువల్ బేసిక్ స్క్రిప్ట్ (VBS) ఫైళ్లను అటాచ్మెంట్లుగా పంపుతున్నారని వెల్లడించింది.
ఈ ఫైళ్లను ఓపెన్ చేసి సిస్టమ్లో రన్ చేస్తే, సైబర్ నేరగాళ్లు దూరం నుంచే పరికరాలను నియంత్రించగలరని, పాస్వర్డ్లు, బ్యాంక్ వివరాలు దొంగిలించి ఆర్థిక మోసాలకు పాల్పడే అవకాశం ఉందని హెచ్చరించింది.
తెలియని లేదా అనుమానాస్పద ఫైళ్లను ఎప్పుడూ ఓపెన్ చేయవద్దని సెర్ట్ఇన్ సూచించింది. ఎవరైనా ఫైల్ పంపితే ముందుగా ఫోన్ చేసి ధృవీకరించుకోవడం అత్యంత సురక్షితమని సూచించింది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate MovieNews News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
