కేరళలోఅవినీతి పాలనకు చెక్‌-ఎన్డీయే వస్తేనే మార్పు: మోదీ!!

కేరళ రాజకీయాలపై ప్రధాని నరేంద్ర మోదీ ఘాటు విమర్శలు చేశారు. Palakkadలో జరిగిన భారీ ఎన్నికల సభలో ఆయన మాట్లాడుతూ, వామపక్షాల నేతృత్వంలోని LDF, కాంగ్రెస్‌ ఆధ్వర్యంలోని UDF కూటములు దశాబ్దాలుగా రాష్ట్రాన్ని దోచుకుంటున్నాయని ఆరోపించారు. ఈసారి ప్రజలు మార్పు కోరుకుంటున్నారని, NDA ప్రభుత్వం కేరళలో అధికారంలోకి రావడం ఖాయమని ధీమా వ్యక్తం చేశారు.

అవినీతి ద్వారా దోచుకున్న ప్రతి రూపాయిని తిరిగి వసూలు చేసి, రాష్ట్ర అభివృద్ధికి వినియోగిస్తామని మోదీ స్పష్టం చేశారు. కేరళలో రాజకీయాలు స్వార్థ ప్రయోజనాలకే పరిమితమైపోయాయని, Pinarayi Vijayan నేతృత్వంలోని ప్రభుత్వం అవినీతి ఆరోపణలతో నిండిపోయిందని విమర్శించారు. ఎల్డీఎఫ్‌, యూడీఎఫ్‌ కూటములు పరస్పరం అధికారాన్ని మార్చుకుంటూ వచ్చినా, ఒకదానిపై మరొకటి ఎలాంటి చర్యలు తీసుకోలేదని ఆయన అన్నారు.

రాష్ట్ర ఆర్థిక పరిస్థితి కూడా దారుణంగా మారిందని, రూ.5 లక్షల కోట్లకు పైగా అప్పులతో కేరళ కుదేలైందని మోదీ పేర్కొన్నారు. ఉద్యోగులకు సమయానికి జీతాలు ఇవ్వలేని పరిస్థితి ఏర్పడిందని, ప్రజల కష్టార్జిత సంపద ఎక్కడికి వెళ్తోందో ప్రశ్నిస్తున్నారని అన్నారు.

దేశవ్యాప్తంగా కాంగ్రెస్‌, వామపక్షాల పాలన ఉన్నచోట పరిస్థితులు ఎలా దిగజారాయో ప్రజలు చూసారని, అదే మోడల్‌ను కేరళలో కూడా అమలు చేశారని విమర్శించారు. జాతీయ స్థాయిలో ఈ రెండు కూటములు కలిసి పనిచేస్తూ, రాష్ట్రంలో మాత్రం ప్రత్యర్థుల్లా నటిస్తున్నాయని ఆరోపించారు.

ప్రజల ఆకాంక్షలకు అనుగుణంగా అభివృద్ధి పథంలో కేరళను నడిపించేందుకు ఎన్డీయే కట్టుబడి ఉందని, “మోదీ గ్యారంటీ”తో రాష్ట్రానికి కొత్త దిశ ఇవ్వబోతున్నామని ఆయన హామీ ఇచ్చారు. సభ అనంతరం Thrissurలో భారీ రోడ్‌షో నిర్వహించి ప్రజలతో మమేకమయ్యారు.