చర్లపల్లి ఇండస్ట్రీస్ అసోసియేషన్ ఆధ్వర్యంలో నిర్వహిస్తున్న సీఐఏ ఎంఎస్ఎంఈ ఎక్స్పో–2026 సోమవారం ఘనంగా ప్రారంభమైంది. ఈ కార్యక్రమానికి ఉప్పల్ ఎమ్మెల్యే బండారి లక్ష్మారెడ్డి ముఖ్య అతిథిగా హాజరై ప్రదర్శనను ప్రారంభించారు. ఎక్స్పోలో ఏర్పాటు చేసిన స్టాళ్లను ఆయన సందర్శించి, పారిశ్రామికవేత్తలతో మాట్లాడారు.
ఈ సందర్భంగా ఎమ్మెల్యే మాట్లాడుతూ, సూక్ష్మ, చిన్న మరియు మధ్య తరహా పరిశ్రమలు (ఎంఎస్ఎంఈలు) దేశ ఆర్థిక వ్యవస్థకు కీలకమైనవని అన్నారు. ఇలాంటి ఎక్స్పోలు నిర్వహించడం ద్వారా స్థానిక పరిశ్రమలకు గుర్తింపు పెరుగుతుందని, వ్యాపార అవకాశాలు కూడా విస్తరించేందుకు దోహదపడతాయని పేర్కొన్నారు. యువ పారిశ్రామికవేత్తలు కొత్త ఆవిష్కరణలు, సాంకేతిక పరిజ్ఞానాన్ని వినియోగించి తమ వ్యాపారాలను విస్తరించుకోవాలని సూచించారు.
ఈ ఎక్స్పోలో చర్లపల్లి పారిశ్రామిక ప్రాంతంతో పాటు హైదరాబాద్ నగరంలోని పలు పరిశ్రమలకు చెందిన ఉత్పత్తులు ప్రదర్శనకు ఉంచారు. మొత్తం 118 స్టాళ్లు ఏర్పాటు చేసి వివిధ పరిశ్రమలకు సంబంధించిన ఉత్పత్తులు, యంత్రాలు, సేవలను సందర్శకులకు పరిచయం చేస్తున్నారు. వ్యాపార సంస్థలు, పరిశ్రమల ప్రతినిధులు, పెట్టుబడిదారులు ఈ ఎక్స్పోను సందర్శించి కొత్త వ్యాపార అవకాశాలను అన్వేషిస్తున్నారు.
మూడు రోజుల పాటు కొనసాగే ఈ ఎక్స్పోలో పారిశ్రామిక రంగానికి సంబంధించిన నూతన సాంకేతికతలు, ఉత్పత్తులు, వ్యాపార విస్తరణ అవకాశాలు గురించి అవగాహన కల్పించనున్నారు. ఈ కార్యక్రమం ద్వారా స్థానిక పరిశ్రమలకు మార్కెట్ విస్తరణతో పాటు పరస్పర వ్యాపార సంబంధాలు పెరగనున్నాయి.ఈ కార్యక్రమంలో ఐలా ఛైర్మన్ గోవిందారెడ్డి, సీఐఏ అధ్యక్షుడు శ్రీనివాస్ రెడ్డి, తెలంగాణ పారిశ్రామిక ఫెడరేషన్ అధ్యక్షుడు కె. సుధీర్ రెడ్డి, ఇతర పారిశ్రామికవేత్తలు, పరిశ్రమల ప్రతినిధులు, అధికారులు పాల్గొన్నారు. మూడు రోజుల పాటు ఈ ఎక్స్పో సందర్శకులను ఆకట్టుకునేలా వివిధ ఉత్పత్తుల ప్రదర్శనలు కొనసాగనున్నాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews TrendingNow ViralNews WorldNews
