జిబ్రాల్టర్ సరిహద్దు చరిత్రలో కీలక మార్పు చోటుచేసుకోనుంది. ఎన్నో ఏళ్లుగా కొనసాగుతున్న సార్వభౌమ వివాదాలు, ప్రయాణ ఆంక్షలకు కేంద్రంగా ఉన్న ఈ ప్రాంతంలో 118 ఏళ్ల తర్వాత అంతర్జాతీయ సరిహద్దు నియంత్రణలు తొలగించనున్నారు. దీంతో జిబ్రాల్టర్-స్పెయిన్ మధ్య ప్రజల రాకపోకలు మరింత సులభతరం కానున్నాయి.
స్పెయిన్ సరిహద్దుకు అత్యంత సమీపంలో ఉన్నప్పటికీ జిబ్రాల్టర్ బ్రిటన్ ఆధీనంలో ఉండటంతో ఇరు ప్రాంతాల ప్రజలు ఇన్నాళ్లుగా ఇమ్మిగ్రేషన్ ప్రక్రియలను ఎదుర్కొంటున్నారు. ముఖ్యంగా ప్రతిరోజూ ఉద్యోగాల కోసం సరిహద్దు దాటే వేలాది మంది గంటల తరబడి క్యూల్లో నిలబడాల్సిన పరిస్థితి ఉండేది.
కొత్త నిర్ణయంతో జిబ్రాల్టర్కు వెళ్లే ఈయూ పౌరులు, అక్కడి నుంచి ఈయూ దేశాలకు ప్రయాణించే వారికి సౌలభ్యం కలగనుంది. స్పెయిన్ మార్గంగా జిబ్రాల్టర్కు వెళ్లే ప్రయాణాలు ఎలాంటి పెద్ద ఆంక్షలు లేకుండా కొనసాగనున్నాయి.
బ్రిటన్ ఆధీనంలోని జిబ్రాల్టర్లో సుమారు 40 వేల మంది ప్రజలు నివసిస్తున్నారు. చిన్న భౌగోళిక ప్రాంతమైనప్పటికీ పర్యాటకం, ఆర్థిక కార్యకలాపాలు, అంతర్జాతీయ వాణిజ్యం పరంగా ఇది ఎంతో ప్రాధాన్యత కలిగిన ప్రాంతం. ప్రపంచంలో అత్యధిక తలసరి ఆదాయం ఉన్న ప్రాంతాల్లో జిబ్రాల్టర్ ఒకటిగా గుర్తింపు పొందింది.
మరోవైపు జిబ్రాల్టర్కు సమీపంలోని స్పెయిన్ ప్రాంతాల్లో నిరుద్యోగం, ఆర్థిక సమస్యలు ఎక్కువగా ఉన్నాయి. దీంతో అక్కడి నుంచి వేలాది మంది రోజూ జిబ్రాల్టర్కు వెళ్లి ఉద్యోగాలు చేసుకుంటూ తిరిగి వస్తుంటారు. సరిహద్దు వద్ద తనిఖీలు, పత్రాల పరిశీలన కారణంగా గతంలో వారికి తీవ్ర ఇబ్బందులు ఎదురయ్యేవి.
సుమారు 15 వేల మంది స్పెయిన్ వాసులు ప్రతిరోజూ జిబ్రాల్టర్కు ఉద్యోగాల కోసం రాకపోకలు సాగిస్తారని అంచనా. సరిహద్దు ఆంక్షలు తొలగడంతో వీరి ప్రయాణ సమయం తగ్గడంతో పాటు రోజువారీ జీవనం మరింత సులభం కానుంది.
జిబ్రాల్టర్ సరిహద్దు మార్పు కేవలం ప్రయాణ సౌలభ్యానికే కాకుండా బ్రిటన్, స్పెయిన్, యూరోపియన్ యూనియన్ మధ్య సంబంధాల్లోనూ కీలక పరిణామంగా భావిస్తున్నారు. చారిత్రక వివాదాలకు పరిష్కార మార్గాలను అన్వేషించే క్రమంలో ఈ నిర్ణయం ఒక ముఖ్యమైన అడుగుగా విశ్లేషకులు పేర్కొంటున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
