థాయ్లాండ్ రాజధాని బ్యాంకాక్ శివార్లలోని పబ్లో జరిగిన ఘోర అగ్ని ప్రమాదం తీవ్ర విషాదాన్ని మిగిల్చింది. రాంగ్ బీర్ న లాడ్ప్రా ప్రాంతంలోని పబ్లో అర్ధరాత్రి దాటిన తర్వాత ఒక్కసారిగా మంటలు చెలరేగడంతో లోపల ఉన్నవారు ప్రాణభయంతో బయటకు పరుగులు తీశారు. ఈ ఘటనలో ఇప్పటివరకు 27 మంది మృతి చెందగా, మరో 73 మంది గాయాలతో ఆసుపత్రుల్లో చికిత్స పొందుతున్నారు.
ప్రమాద సమయంలో పబ్ అంతా దట్టమైన పొగతో నిండిపోయిందని ప్రత్యక్ష సాక్షులు తెలిపారు. మంటలు వేగంగా వ్యాపించడంతో పలువురికి బయటకు వచ్చే అవకాశం లేకుండా పోయింది. సీసీటీవీ దృశ్యాల్లో సందర్శకులు భయంతో పరుగులు తీస్తున్న దృశ్యాలు కనిపించాయి.
ప్రమాదం అనంతరం సోమవారం ఉదయం పబ్ పరిసరాలు పేలిపోయిన వస్తువులు, కాలిపోయిన సామగ్రి శిథిలాలతో కనిపించాయి. పేలుళ్ల తీవ్రతకు పబ్ వీధివైపు ఉన్న కిటికీలు ధ్వంసమయ్యాయి. అగ్ని ప్రమాదం కారణంగా పబ్ నిర్మాణానికి కూడా భారీ నష్టం వాటిల్లింది.
అగ్ని ప్రమాదం జరిగిన వెంటనే లోపల ఉన్న కొందరు రక్షణ కోసం పబ్ వెనుక భాగంలోని బాత్రూంలలోకి వెళ్లినట్లు అధికారులు తెలిపారు. అయితే ఆ బాత్రూంలకు కిటికీలు లేకపోవడంతో పలువురు అక్కడే చిక్కుకుని మృతి చెందినట్లు వెల్లడించారు.
పబ్లో అత్యవసర నిష్క్రమణ మార్గాలు సరిగా లేకపోవడం కూడా ప్రాణనష్టానికి కారణమైనట్లు ప్రాథమికంగా గుర్తించారు. హాలులో నుంచి బయటకు వెళ్లే మార్గానికి అడ్డంకులు ఉండటం, కిచెన్ వైపు ఉన్న ఎగ్జిట్ ఇరుకుగా ఉండటం వల్ల చాలామంది తప్పించుకోలేకపోయారని అధికారులు తెలిపారు.
ప్రమాద సమయంలో పొగ ఎక్కువగా వ్యాపించడంతో పలువురు ఊపిరాడక ప్రాణాలు కోల్పోయినట్లు సమాచారం. గాయపడిన వారిలో కొందరి పరిస్థితి విషమంగా ఉండటంతో మృతుల సంఖ్య మరింత పెరిగే అవకాశం ఉందని అధికారులు ఆందోళన వ్యక్తం చేస్తున్నారు.
బ్యాంకాక్లో గత 17 ఏళ్లలో ఇంత పెద్ద స్థాయిలో అగ్ని ప్రమాదం జరగడం ఇదే తొలిసారని అధికారులు తెలిపారు. ఘటనపై దర్యాప్తు ప్రారంభించిన అధికారులు పబ్ భద్రతా ప్రమాణాలు, అగ్ని నియంత్రణ ఏర్పాట్లు, అత్యవసర మార్గాలపై పరిశీలన చేస్తున్నారు.
ప్రమాదానికి గల అసలు కారణాలను గుర్తించేందుకు నిపుణుల బృందాలు రంగంలోకి దిగాయి. భవిష్యత్తులో ఇలాంటి ఘటనలు పునరావృతం కాకుండా నైట్క్లబ్లు, పబ్లలో భద్రతా నిబంధనలను కఠినతరం చేయాల్సిన అవసరం ఉందని అధికారులు పేర్కొన్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
