ఐసీసీ తాజాగా ప్రకటించిన టీ20 ర్యాంకింగ్స్లో భారత ఆటగాళ్లు సత్తా చాటారు. బ్యాటింగ్ విభాగంలో అభిషేక్ శర్మ ఒక స్థానం మెరుగుపరుచుకుని రెండో ర్యాంకుకు చేరాడు. 862 రేటింగ్ పాయింట్లతో ఉన్న అభిషేక్.. పాకిస్థాన్ బ్యాటర్ షహిబ్జాద ఫర్హాన్ను వెనక్కి నెట్టాడు. అగ్రస్థానంలో 913 పాయింట్లతో ఇషాన్ కిషన్ కొనసాగుతున్నాడు.
ఇటీవల అఫ్గానిస్థాన్తో జరిగిన రెండు టీ20 మ్యాచ్ల్లో అభిషేక్ శర్మ 121 పరుగులు సాధించాడు. ఇందులో ఓ అర్ధశతకం కూడా ఉంది. ఈ ప్రదర్శన అతడి ర్యాంకింగ్ మెరుగుదలకు దోహదపడింది.
బౌలింగ్ విభాగంలోనూ భారత ఆటగాళ్లకు మంచి పురోగతి లభించింది. అఫ్గానిస్థాన్తో తొలి టీ20 అనంతరం గాయం కారణంగా సిరీస్కు దూరమైన వరుణ్ చక్రవర్తి 678 రేటింగ్ పాయింట్లతో ఐదో స్థానానికి చేరాడు. అతడు రెండు స్థానాలు మెరుగుపరుచుకున్నాడు.
భారత స్టార్ పేసర్ జస్ప్రీత్ బుమ్రా కూడా ఏకంగా ఏడు స్థానాలు ఎగబాకి 10వ ర్యాంకుకు చేరాడు. అతడి ఖాతాలో 650 రేటింగ్ పాయింట్లు ఉన్నాయి. టీ20 బౌలింగ్ ర్యాంకింగ్స్లో అఫ్గాన్ స్టార్ రషీద్ ఖాన్ 744 పాయింట్లతో అగ్రస్థానంలో కొనసాగుతున్నాడు.
ఇక వన్డే బ్యాటింగ్ ర్యాంకింగ్స్లో భారత కెప్టెన్ శుభ్మన్ గిల్ 801 పాయింట్లతో నంబర్ వన్ స్థానంలో ఉన్నాడు. టెస్టు బ్యాటింగ్ ర్యాంకింగ్స్లో ఇంగ్లండ్ ఆటగాడు హ్యారీ బ్రూక్ 861 పాయింట్లతో అగ్రస్థానాన్ని కొనసాగిస్తున్నాడు. వన్డే బౌలింగ్ ర్యాంకింగ్స్లోనూ రషీద్ ఖాన్దే టాప్ ర్యాంక్.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
