మహారాష్ట్రలో జరిగిన ఘోర రోడ్డు ప్రమాదంలో తెలంగాణకు చెందిన నలుగురు మృతిచెందారు. నిర్మల్ జిల్లా కుబీర్ మండల సరిహద్దులోని మహారాష్ట్ర గ్రామం తొటాంబ సమీపంలో జీపు అదుపుతప్పి బోల్తా పడింది. ఈ ప్రమాదంలో మరికొందరు గాయపడినట్లు సమాచారం.
ప్రమాద తీవ్రతకు ముగ్గురు ఘటనాస్థలంలోనే ప్రాణాలు కోల్పోయారు. తీవ్రంగా గాయపడిన మరో వ్యక్తిని ఆసుపత్రికి తరలిస్తుండగా మృతి చెందారు. మృతుల్లో ముగ్గురిని కుబీర్ మండలం పార్డి (బి) గ్రామానికి చెందిన తులసీరామ్, గంగన్న, గంగాబాయిగా గుర్తించారు. మరో మృతుడి వివరాలు తెలియాల్సి ఉంది.
శ్రావణ సోమవారం సందర్భంగా వీరంతా ఆదిలాబాద్ జిల్లా బోథ్ మండలంలోని శివాలయానికి వెళ్లినట్లు తెలుస్తోంది. ఆలయంలో దర్శనం అనంతరం తిరుగు ప్రయాణంలో మహారాష్ట్రలోని సాసర్ కొండ జలపాతాన్ని చూసేందుకు వెళ్లారు. అక్కడి నుంచి తిరిగి వస్తుండగా తొటాంబ సమీపంలో జీపు అదుపుతప్పి బోల్తా పడినట్లు సమాచారం.
ప్రమాదంలో గాయపడిన వారిని స్థానికుల సహాయంతో భైంసా ఏరియా ఆసుపత్రికి తరలించారు. ఘటనపై పోలీసులు వివరాలు సేకరిస్తున్నారు. ప్రమాదానికి గల కారణాలపై దర్యాప్తు కొనసాగుతోంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
