మునీర్ ప్రకటనలు డొల్లే..

ఆపరేషన్ సిందూర్ సమయంలో పాకిస్థాన్ అమెరికాలో విస్తృత స్థాయిలో లాబీయింగ్ చేసినట్లు తాజా ఫైలింగ్స్‌లో బయటపడింది. యూఎస్ ఫారిన్ ఏజెంట్స్ రిజిస్ట్రేషన్ యాక్ట్ (FARA) కింద దాఖలైన నివేదికల ప్రకారం, పాక్ లాబీ సంస్థలు అమెరికా రక్షణ, ఆర్థిక శాఖ అధికారులతో పాటు ప్రముఖ జర్నలిస్టులతో 60 సార్లకు పైగా సమావేశాలు నిర్వహించాయి.

ఈ పరిణామాల నేపథ్యంలో పాకిస్థాన్ ఆర్మీ చీఫ్ Asim Munir చేసిన ప్రకటనలు వాస్తవానికి విరుద్ధమని స్పష్టమవుతోంది. ఆయన ఇటీవల రావల్పిండిలోని ఆర్మీ జనరల్ హెడ్‌క్వార్టర్స్‌లో కాల్పుల విరమణ విషయంలో పాక్ పాత్రను గొప్పగా చెప్పిన సంగతి తెలిసిందే.పహల్గాం ఉగ్రదాడికి ప్రతీకారంగా భారత్ చేపట్టిన Operation Sindoor సమయంలో పాక్ తీవ్ర ఒత్తిడిలోకి వెళ్లింది. మే 6 అర్ధరాత్రి నుంచి అమెరికాలోని కీలక నేతలతో పాక్ 30కిపైగా వేర్వేరు సంప్రదింపులు జరిపినట్లు ఫైలింగ్స్ వెల్లడించాయి.

మే 7, 8 తేదీల్లో ప్రాంతీయ ఉద్రిక్తతలపై చర్చల కోసం లాబీయింగ్ కొనసాగించగా, మే 9న ఈ ప్రయత్నాలు మరింత పెరిగినట్లు రికార్డులు చూపిస్తున్నాయి. రక్షణ, జాతీయ భద్రతా వర్గాలతో 20–25 సార్లు సమావేశాలు జరిగినట్లు సమాచారం.ఈ మొత్తం పరిణామాలు చూస్తే, భారత్ చేపట్టిన చర్యలతో పాక్ తీవ్ర ఒత్తిడిలోకి వెళ్లి దౌత్య మార్గాలను ఆశ్రయించినట్లు స్పష్టమవుతోంది. భారత్ మొదటి నుంచి మూడో పక్ష జోక్యాన్ని వ్యతిరేకిస్తూ వస్తున్న విషయం తెలిసిందే.