ఐరోపా విమానాశ్రయాల్లో అమల్లోకి వచ్చిన కొత్త సరిహద్దు నియంత్రణ నిబంధనలు ప్రయాణికులకు చుక్కలు చూపిస్తున్నాయి. సాంకేతిక మార్పుల కారణంగా తనిఖీల్లో విపరీతమైన ఆలస్యం జరిగి, ఏకంగా 120 మందికి పైగా ప్రయాణికులు విమానం ఎక్కలేకపోయిన ఘటన కలకలం రేపింది.
అసలేం జరిగింది? ఇటలీలోని మిలాన్ నుంచి బ్రిటన్లోని మాంచెస్టర్కు వెళ్లాల్సిన విమానం కోసం 156 మంది ప్రయాణికులు టికెట్లు బుక్ చేసుకున్నారు. వీరంతా విమానాశ్రయానికి నిర్ణీత సమయం కంటే ముందే చేరుకున్నప్పటికీ, పాస్పోర్ట్ చెకింగ్ క్యూ వద్దే గంటల తరబడి నిలబడాల్సి వచ్చింది. కొత్తగా ప్రవేశపెట్టిన బయోమెట్రిక్ విధానం వల్ల ఒక్కొక్కరికి తనిఖీ పూర్తి కావడానికి 3 నుంచి 4 గంటల సమయం పట్టింది. ఫలితంగా, విమానం బయల్దేరే సమయానికి కేవలం 34 మంది మాత్రమే బోర్డింగ్ గేటు వద్దకు చేరుకోగలిగారు. మిగిలిన 122 మంది ఎయిర్పోర్టులోనే ఉండిపోయారు.
కొత్త నిబంధనలేంటి? (EES – Entry/Exit System): ఐరోపా దేశాలు భద్రతను పటిష్టం చేసేందుకు తాజాగా ఎంట్రీ/ఎగ్జిట్ సిస్టమ్ (EES) ను ప్రారంభించాయి.
దీని ప్రకారం.. పాత పద్ధతిలో పాస్పోర్టుపై స్టాంపింగ్ వేయడానికి బదులుగా, ప్రయాణికుల బయోమెట్రిక్, వేలిముద్రలను స్కాన్ చేసి డేటాబేస్లో నిక్షిప్తం చేయాలి.
ఈ ప్రక్రియ కొత్తది కావడంతో సిబ్బందికి, ప్రయాణికులకు అవగాహన లేక తనిఖీలు నెమ్మదిగా సాగుతున్నాయి.
ప్రయాణికుల ఆవేదన: గంటల తరబడి క్యూ లైన్లలో నిలబడటంతో కొందరు ప్రయాణికులు అస్వస్థతకు గురయ్యారు. విమానాన్ని కొంత సమయం ఆపినప్పటికీ, భద్రతా కారణాల దృష్ట్యా మిగిలిన వారికోసం వేచి చూడకుండానే విమానం బయల్దేరాల్సి వచ్చిందని ఎయిర్పోర్టు అధికారులు తెలిపారు. రద్దీ సమయాల్లో ఈ బయోమెట్రిక్ ప్రక్రియ మరింత జాప్యానికి దారితీస్తోందని ప్రయాణికులు వాపోతున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
