తెలంగాణలో కాంగ్రెస్ ప్రభుత్వం ప్రజా పాలనకు పెద్దపీట వేస్తూ సామాన్యుల సమస్యలను పరిష్కరించేందుకు కృషి చేస్తోందని మంత్రి పొంగులేటి శ్రీనివాసరెడ్డి అన్నారు. ప్రభుత్వం చేపట్టిన అభివృద్ధి, సంక్షేమ కార్యక్రమాలను ప్రజలకు వివరించడంతో పాటు బీఆర్ఎస్ నేతలపై ఆయన తీవ్ర విమర్శలు చేశారు.
రాష్ట్ర సచివాలయంలో మంత్రులు పొన్నం ప్రభాకర్, అడ్లూరి లక్ష్మణ్, వాకిటి శ్రీహరితో కలిసి పొంగులేటి మీడియా సమావేశం నిర్వహించారు. ఈ సందర్భంగా ఆయన మాట్లాడుతూ.. కాంగ్రెస్ పాలనలో రైతే రాజుగా మారుతున్నారని అన్నారు. గతంలో వరి సాగుపై ప్రతికూల వ్యాఖ్యలు చేసిన ప్రభుత్వం.. ప్రస్తుతం రైతులకు అండగా నిలుస్తోందని చెప్పారు. వరి పంటకు బోనస్ అందిస్తున్నామని, వరి సాగులో తెలంగాణ దేశంలోనే ప్రథమ స్థానంలో నిలిచిందని పేర్కొన్నారు.
గత ప్రభుత్వం నిరుద్యోగులను పట్టించుకోలేదని పొంగులేటి ఆరోపించారు. గ్రూప్-1 ప్రశ్నపత్రాలను అమ్ముకున్నారని విమర్శించారు. కాంగ్రెస్ ప్రభుత్వం అధికారంలోకి వచ్చిన తర్వాత టీజీపీఎస్సీని ప్రక్షాళన చేశామని, ఇటీవలే 10 వేల ఉద్యోగాలకు నోటిఫికేషన్లు జారీ చేశామని తెలిపారు. గ్రూప్-1 నియామకాలను కోర్టు ద్వారా అడ్డుకునేందుకు ప్రయత్నాలు జరిగాయని ఆయన ఆరోపించారు.
ఎన్నికల సమయంలో ప్రజలకు ఇచ్చిన హామీలను ఒక్కొక్కటిగా అమలు చేస్తున్నామని మంత్రి చెప్పారు. గత ప్రభుత్వం వదిలివెళ్లిన బకాయిలు, అప్పులను చెల్లిస్తూ.. పేదలకు సంక్షేమ పథకాలు అందించేందుకు ప్రభుత్వం కృషి చేస్తోందన్నారు.
బీఆర్ఎస్ నేతలు తమ ఉద్యోగాలు ఊడగొట్టారని చెబుతూ ప్రజలను రెచ్చగొట్టే ప్రయత్నం చేస్తున్నారని పొంగులేటి విమర్శించారు. ప్రభుత్వం చేపట్టిన ఏ కార్యక్రమాన్నీ ప్రతిపక్షాలు ప్రశంసించలేదన్నారు. ఉప ఎన్నికల్లో ప్రజలు కాంగ్రెస్కు మద్దతు ఇచ్చినా బీఆర్ఎస్ నేతల్లో మార్పు రాలేదని వ్యాఖ్యానించారు.
బీఆర్ఎస్ హయాంలో బతుకమ్మ చీరల పంపిణీలోనూ అవినీతికి పాల్పడ్డారని పొంగులేటి ఆరోపించారు. కేటీఆర్ హద్దు మీరి మాట్లాడితే ప్రజలు క్షమించరని హెచ్చరించారు. కాంగ్రెస్ అగ్రనేత రాహుల్గాంధీని ఉద్దేశించి కేటీఆర్ చేసిన వ్యాఖ్యలు సంస్కారహీనంగా ఉన్నాయని విమర్శించారు.
పదేళ్ల బీఆర్ఎస్ పాలనలో ధనిక రాష్ట్రంగా ఉన్న తెలంగాణను అప్పుల రాష్ట్రంగా మార్చారని పొంగులేటి ఆరోపించారు. పేదలకు పదేళ్లపాటు రేషన్ కార్డులు ఇవ్వలేదని, కాంగ్రెస్ ప్రభుత్వం అధికారంలోకి వచ్చిన తర్వాత రెండేళ్లలోపే 15 లక్షల కొత్త రేషన్ కార్డులు అందించిందని తెలిపారు.
అదేవిధంగా కొత్తగా దాదాపు 3 లక్షల మంది వృద్ధులు, వితంతువులకు పింఛన్లు ఇవ్వనున్నట్లు మంత్రి పొంగులేటి వెల్లడించారు. ప్రజల అవసరాలకు అనుగుణంగా సంక్షేమం, అభివృద్ధిని సమన్వయం చేస్తూ ప్రభుత్వం ముందుకు సాగుతోందని చెప్పారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
