దిల్లీ లెఫ్టినెంట్ గవర్నర్గా బాధ్యతలు చేపట్టిన తరణ్జీత్ సింగ్ సంధుపై అమెరికా మాజీ అధ్యక్షుడు డొనాల్డ్ ట్రంప్ ప్రశంసలు కురిపించారు. గతంలో భారత్ తరఫున అమెరికా రాయబారిగా పనిచేసిన సమయంలో ఇండియా–అమెరికా సంబంధాలను బలోపేతం చేయడంలో సంధు కీలక పాత్ర పోషించారని ట్రంప్ తెలిపారు. ఈ మేరకు ట్రూత్ సోషల్ వేదికగా ఆయన అభినందనలు తెలియజేశారు.
‘దిల్లీ కొత్త లెఫ్టినెంట్ గవర్నర్గా నియమితులైన తరణ్జీత్ సింగ్ సంధుకు శుభాకాంక్షలు. అనుభవజ్ఞుడైన దౌత్యవేత్తగా, మాజీ రాయబారిగా ఆయన రెండు దేశాల మధ్య ద్వైపాక్షిక సంబంధాలను మరింత బలపరిచేందుకు అంకితభావంతో పనిచేశారు’ అని ట్రంప్ పేర్కొన్నారు. సంధు నాయకత్వంలో దిల్లీ మరింత అభివృద్ధి చెందాలని ఆయన ఆకాంక్షించారు. ఈ సందర్భంగా సంధుతో కలిసి దిగిన ఫోటోను కూడా పంచుకున్నారు. కాగా, సంధు మార్చి 11న దిల్లీ లెఫ్టినెంట్ గవర్నర్గా బాధ్యతలు స్వీకరించారు.
ఇక మరోవైపు, భారత ప్రధాని నరేంద్ర మోదీతో తన సాన్నిహిత్యాన్ని కూడా ట్రంప్ ప్రస్తావించారు. మోదీ తనకు మంచి స్నేహితుడని, ఆయన నాయకత్వం ప్రశంసనీయం అని అన్నారు. పశ్చిమాసియాలో నెలకొన్న ఉద్రిక్త పరిస్థితుల నేపథ్యంలో ఇరువురు నాయకులు ఇటీవల ఫోన్లో మాట్లాడుకున్నారు. దాదాపు 40 నిమిషాల పాటు సాగిన ఈ సంభాషణలో ప్రాంతీయ పరిస్థితులు, ఇండియా–అమెరికా సహకారం, అలాగే హర్మూజ్ జలసంధి అంశంపై చర్చించినట్లు సమాచారం.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
