ఇందిరాగాంధీ హత్య తర్వాత తమ బాల్యం పూర్తిగా మారిపోయిందని వయనాడ్ ఎంపీ ప్రియాంకాగాంధీ గుర్తు చేసుకున్నారు. అప్పటికి తన వయసు 12 ఏళ్లని, సోదరుడు రాహుల్గాంధీతో కలిసి ఇంట్లోనే చదువుకుంటూ, బయటకు స్వేచ్ఛగా వెళ్లలేని పరిస్థితుల్లో పెరిగామని విద్యార్థులకు వివరించారు.
సుల్తాన్ బాథరీలోని రాజీవ్గాంధీ మెమోరియల్ మోడల్ రెసిడెన్షియల్ స్కూలును సందర్శించిన ప్రియాంక.. విద్యార్థులతో సరదాగా ముచ్చటించారు. 14 ఏళ్ల విద్యార్థిని అడిగిన ప్రశ్నకు స్పందిస్తూ.. తమ స్కూలు జీవితం మొత్తం ఇంటికే పరిమితమైందని చెప్పారు. స్నేహితులతో బయట తిరిగే అవకాశం కూడా ఉండేది కాదన్నారు. ప్రస్తుతం బయటి ప్రపంచంలో స్వేచ్ఛగా బాల్యాన్ని ఆస్వాదిస్తున్న విద్యార్థులు అదృష్టవంతులని పేర్కొన్నారు.
తన ఇంట్లో పనిచేసే మహిళ నుంచి ఎంతో నేర్చుకున్నానని ప్రియాంక చెప్పారు. ఆమె దృఢచిత్తం, పనిపట్ల నిబద్ధత తనను ఆకట్టుకున్నాయని, అందుకే ఆమెను తన రోల్మోడల్గా భావిస్తానన్నారు. చదువు విషయానికి వస్తే.. ఏడో తరగతి వరకు తాను మంచి విద్యార్థినేనని, ఆ తర్వాత కొంత తడబడ్డానని, అనంతరం మళ్లీ చదువులో పుంజుకున్నానని తెలిపారు.
అనంతరం కిన్ఫ్రా పార్కులోని బేకింగ్ యూనిట్ను ప్రియాంక సందర్శించారు. అక్కడ కాసేపు బేకర్గా మారి కేకులపై ఐసింగ్ చేయడంతో పాటు అచ్చులతో కప్కేకులు తయారుచేశారు. ఈ సందర్భంగా యూనిట్ సిబ్బందితో మాట్లాడి తయారీ ప్రక్రియను ఆసక్తిగా పరిశీలించారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews Crime News EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
