ఉక్రెయిన్తో కొనసాగుతున్న ఘర్షణలను ముగించే దిశగా అమెరికాతో చర్చలు కొనసాగించేందుకు తాము సిద్ధంగా ఉన్నామని రష్యా అధ్యక్షుడు వ్లాదిమిర్ పుతిన్ వెల్లడించారు. ఈ మేరకు ప్రభుత్వ మీడియాకు ఇచ్చిన ఇంటర్వ్యూలో ఆయన కీలక వ్యాఖ్యలు చేశారు.
ఇరాన్తో ఒప్పందం ఒక కొలిక్కి వచ్చిన తర్వాత అమెరికా ప్రతినిధులు స్టీవ్ విట్కాఫ్, జేర్డ్ కుష్నర్ తమ దేశంలో పర్యటిస్తారని భావిస్తున్నట్లు పుతిన్ తెలిపారు. గతంలో అమెరికా అధ్యక్షుడు డొనాల్డ్ ట్రంప్తో అలస్కాలో జరిగిన చర్చలను కూడా ఆయన గుర్తు చేసుకున్నారు.
గతంలో ఒప్పందాలు పూర్తిగా కుదరకపోయినా, ముందుగా చర్చించిన అంశాలపై కొనసాగింపు చర్చలకు తాము సిద్ధంగా ఉన్నామని పుతిన్ స్పష్టం చేశారు.
ఇక యుద్ధ పరిస్థితులపై మాట్లాడుతూ, కొంతకాలంగా ఉక్రెయిన్ రష్యా ఇంధన మౌలిక సదుపాయాలను లక్ష్యంగా చేసుకుని దాడులు చేస్తోందని చెప్పారు. ఈ దాడుల్లో స్లావ్యాన్స్కీ, యారోస్లావ్ల్ చమురు శుద్ధి కర్మాగారాలు దెబ్బతిన్నాయని, దీంతో దేశంలో ఇంధన కొరత ఏర్పడిందని ఆయన తొలిసారి అంగీకరించారు.
చమురు కేంద్రాల వద్ద భద్రతను మరింత కట్టుదిట్టం చేస్తామని, ఉత్పత్తిని పెంచేందుకు చర్యలు తీసుకుంటామని పుతిన్ వెల్లడించారు.
మరోవైపు ఉక్రెయిన్ అధ్యక్షుడు వోలొదిమిర్ జెలెన్స్కీ మాట్లాడుతూ, రష్యా సామర్థ్యాన్ని బలహీనపరిచే ఆపరేషన్లు కొనసాగిస్తామని స్పష్టం చేశారు. దీంతో రెండు దేశాల మధ్య ఉద్రిక్తతలు కొనసాగుతున్నాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate MovieNews News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
