ఖతార్ పాలకులు బహుమతిగా ఇచ్చిన 747 జంబో జెట్ విమానాన్ని అమెరికా అధ్యక్షుడు డొనాల్డ్ ట్రంప్ జాయింట్ బేస్ ఆండ్రూస్లో ఆవిష్కరించారు. ఈ సందర్భంగా ఆయన ఈ విమానాన్ని “ఎగిరే వైట్హౌస్”గా అభివర్ణించారు.
ఈ విమానంలో కొంతకాలం పాటు తాను ప్రయాణాలు చేయనున్నట్లు ట్రంప్ తెలిపారు. ఇది ప్రపంచంలోనే అత్యంత విలాసవంతమైన విమానం అని పేర్కొంటూ, దీని ఇంటీరియర్ డిజైన్, ఇంజిన్ల నాణ్యత అత్యుత్తమంగా ఉన్నాయని ప్రశంసించారు. ఎయిర్ఫోర్స్ వన్ కంటే ఇది వేగంగా, ఎక్కువ దూరం ప్రయాణించగలదని ఆయన చెప్పారు. ఖతార్ పాలకులకు ఈ సందర్భంగా ఆయన కృతజ్ఞతలు తెలిపారు.
జులై 4న జరగనున్న అమెరికా 250వ స్వాతంత్య్ర వేడుకల్లో నిర్వహించే విమాన ప్రదర్శనల్లో ఈ జంబో జెట్ కూడా పాల్గొనే అవకాశం ఉందని ట్రంప్ వెల్లడించారు. విమానం లోపల లెదర్ సీట్లు, గోల్డ్ షేడ్స్తో కూడిన లేత గోధుమ రంగు డిజైన్ ఉన్నట్లు సమాచారం.
ఇప్పటివరకు 747-200B మోడల్ ఎయిర్ఫోర్స్ వన్గా అమెరికా అధ్యక్షుల అధికారిక విమానంగా సేవలందించింది. జార్జ్ హెచ్డబ్ల్యూ బుష్ నుంచి డొనాల్డ్ ట్రంప్ వరకు ప్రతి అధ్యక్షుడికి ఇది ఉపయోగంలో ఉంది. అయితే ఇప్పుడు దాని సేవా కాలం ముగియనుంది. యూఎస్ వైమానిక దళం ఆర్డర్ చేసిన రెండు కొత్త బోయింగ్ 747 విమానాలు అందేవరకు ఖతార్ బహుమతిగా ఇచ్చిన ఈ విమానాన్నే అధ్యక్ష ప్రయాణాలకు వినియోగించనున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
