ప్రీమియం ఫీచర్లతో శాంసంగ్ గెలాక్సీ ఎస్‌26 సిరీస్ గ్రాండ్ ఎంట్రీ!

దక్షిణ కొరియాకు చెందిన ప్రముఖ ఎలక్ట్రానిక్స్‌ దిగ్గజం Samsung తన వార్షిక మెగా ఈవెంట్‌కు సిద్ధమైందిశాంసంగ్ గెలాక్సీ అన్‌ప్యాక్డ్ 2026 2026 పేరుతో నిర్వహించే ఈ కార్యక్రమం ఫిబ్రవరి 25న జరగనుంది. ఈ ఈవెంట్‌లో కంపెనీ తన తాజా ఫ్లాగ్‌షిప్ స్మార్ట్‌ఫోన్‌లైన శాంసంగ్ గెలాక్సీ ఎస్‌26 Samsung Galaxy S26aలను అధికారికంగా ఆవిష్కరించనుంది. ఈ ఫోన్ల కోసం ప్రీ–రిజర్వేషన్లు కూడా ఇప్పటికే ప్రారంభమయ్యాయి.

ఈ మెగా ఈవెంట్‌ను అమెరికాలోని San Francisco నగరంలో నిర్వహించనున్నారు. అక్కడి స్థానిక కాలమానం ప్రకారం ఉదయం 10 గంటలకు ప్రారంభమయ్యే ఈ కార్యక్రమం, భారత్‌లో రాత్రి 11:30 గంటలకు మొదలవుతుంది. అభిమానులు ఈ కార్యక్రమాన్ని Samsung అధికారిక వెబ్‌సైట్‌, Samsung Newsroom, అలాగే YouTube ఛానెల్‌లలో ప్రత్యక్ష ప్రసారం ద్వారా వీక్షించవచ్చు.

అదనంగా, రూ.999 చెల్లించి Galaxy Pre-Reserve VIP Pass తీసుకునే వినియోగదారులకు ప్రత్యేక ప్రయోజనం కల్పిస్తున్నారు. ఈ పాస్‌తో కొత్త గెలాక్సీ ఫోన్లు కొనుగోలు చేసే సమయంలో సుమారు ₹5,000 విలువైన ఈ-స్టోర్ వోచర్ పొందే అవకాశం ఉంటుంది.

స్మార్ట్‌ఫోన్‌ల విషయానికొస్తే, ఎస్‌26 సిరీస్‌లో మూడు మోడళ్లను కంపెనీ విడుదల చేయనుంది. తదుపరి తరం టెక్నాలజీతో రూపొందించిన ఈ ఫోన్లలో అధునాతన AI ఫీచర్లకు ప్రాధాన్యం ఇచ్చినట్లు కంపెనీ తెలిపింది. రోజువారీ పనులను సులభతరం చేసే స్మార్ట్‌ ఫీచర్లు, మెరుగైన పనితీరు, శక్తివంతమైన కెమెరా సామర్థ్యాలతో ఈ ఫోన్లు రావొచ్చని టెక్ వర్గాలు భావిస్తున్నాయి.

ఇక స్మార్ట్‌ఫోన్లతో పాటు Samsung Galaxy Buds 4 మరియు Samsung Galaxy Buds 4 Pro వంటి కొత్త ఆడియో పరికరాలను కూడా ఈ ఈవెంట్‌లో పరిచయం చేసే అవకాశం ఉందని సమాచారం. మొత్తంగా, గెలాక్సీ అన్‌ప్యాక్డ్‌ 2026 ఈవెంట్ టెక్ ప్రపంచంలో మరో భారీ సంచలనంగా నిలవనుందని భావిస్తున్నారు.