సిద్దిపేటలో ఆన్లైన్ గేమింగ్ వ్యసనం మరో కుటుంబంలో తీవ్ర విషాదాన్ని నింపింది. ఆన్లైన్ గేమ్లకు బానిసై భారీ అప్పులు చేసిన ఓ యువ చార్టర్డ్ అకౌంటెంట్ చివరకు ఆత్మహత్యకు పాల్పడ్డాడు. పోలీసుల వివరాల ప్రకారం మంగమ్మతోటకు చెందిన 33 ఏళ్ల గుడూరి సంతోష్ చార్టర్డ్ అకౌంటెంట్గా పనిచేస్తూ ఆన్లైన్ గేమ్లకు అలవాటు పడ్డాడు. ఈ వ్యసనం కారణంగా భారీ అప్పుల్లో కూరుకుపోయాడు.
అప్పుల భారం తట్టుకోలేక 2024లో ఇంటి నుంచి వెళ్లిపోయిన సంతోష్ కొంతకాలం తర్వాత తిరిగి వచ్చినా, గేమింగ్ అలవాటు మాత్రం మానలేకపోయాడు. దీంతో అప్పులు మరింత పెరిగాయి. కుటుంబంలో విభేదాలు ఏర్పడటంతో భార్య రెండు నెలల క్రితం స్వగ్రామానికి వెళ్లిపోయింది. అనంతరం సంతోష్ హైదరాబాద్లోని ఓ హాస్టల్లో ఉంటూ ఉద్యోగం కొనసాగించాడు. అప్పుల కారణంగా హైదరాబాద్లో ఉన్న ఇంటిని కూడా విక్రయించినట్లు పోలీసులు తెలిపారు.
ఈ నెల 1న సిద్దిపేట శివారులోని ఓ హోటల్లో గది తీసుకున్న సంతోష్ గడువు ముగిసినా బయటకు రాకపోవడంతో సిబ్బందికి అనుమానం వచ్చింది. ఫోన్ స్విచ్ఆఫ్లో ఉండటంతో కిటికీ ద్వారా పరిశీలించగా అతడు మంచంపై అపస్మారక స్థితిలో కనిపించాడు. వెంటనే గది తలుపులు తెరిచి చూడగా అప్పటికే మృతి చెందినట్లు గుర్తించారు.
ఘటనాస్థలంలో లభించిన సూసైడ్ నోట్లో తన మరణానికి ఎవరూ బాధ్యులు కారని, తానే హీలియం గ్యాస్ వినియోగించి ఆత్మహత్య చేసుకుంటున్నట్లు పేర్కొన్నట్లు పోలీసులు వెల్లడించారు. కేసు నమోదు చేసి అన్ని కోణాల్లో దర్యాప్తు కొనసాగిస్తున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
