ఆంధ్రప్రదేశ్లో చేనేత రంగానికి కొత్త గుర్తింపు తెచ్చేలా పశ్చిమ గోదావరి జిల్లా ఆచంట వేమవరం గ్రామానికి చెందిన రుద్రాక్షల రామలింగ సత్యనారాయణ రూపొందించిన ఏకవస్త్ర చేనేత జాతీయ జెండా ప్రత్యేక ఆకర్షణగా నిలుస్తోంది. ఆయన తన కుటుంబ సభ్యులతో కలిసి అమరావతిలో మంత్రి నారా లోకేశ్ను కలసి తాను తయారు చేసిన జాతీయ పతాకాన్ని ప్రదర్శించారు.
ఈ సందర్భంగా మంత్రి లోకేశ్ సత్యనారాయణను అభినందించారు. పింగళి వెంకయ్య స్ఫూర్తితో జాతీయ జెండాలను తయారు చేయడం గొప్ప విషయమని ఆయన ప్రశంసించారు. చేనేత కళను ఆధునికతతో కలిపి దేశానికి ప్రత్యేకమైన గుర్తింపు తీసుకురావడం అభినందనీయమని అన్నారు.
సత్యనారాయణ మాట్లాడుతూ ఒక్కో జెండా తయారికి సుమారు ఆరు నెలల సమయం పడుతుందని తెలిపారు. ఇది కేవలం కళ కాదు, తన జీవిత లక్ష్యమని ఆయన చెప్పారు. ఏకవస్త్ర జెండాల తయారీ ద్వారా ఆంధ్రప్రదేశ్కు ప్రత్యేక గుర్తింపు తేవడమే తన ప్రధాన లక్ష్యమని స్పష్టం చేశారు.
ఈ ప్రయత్నం చేనేత కార్మికులకు కొత్త ప్రేరణగా నిలుస్తోందని పరిశీలకులు అభిప్రాయపడుతున్నారు. సంప్రదాయ కళను ఆధునిక సృజనతో కలిపి జాతీయ స్థాయిలో గుర్తింపు పొందడం రాష్ట్రానికి గర్వకారణంగా మారింది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate MovieNews News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
