తృణమూల్ కాంగ్రెస్ పార్టీ (టీఎంసీ)లో తిరుగుబాటు చేస్తున్న 20 మంది లోక్సభ సభ్యులు తమను ప్రత్యేక వర్గంగా గుర్తించాలని సమర్పించిన అభ్యర్థనపై లోక్సభ స్పీకర్ ఓం బిర్లా ఉభయ పక్షాలతో చర్చించేందుకు నిర్ణయించారు. ఈ అంశంపై న్యాయపరమైన కోణంలో కూడా సమీక్ష జరుగుతోంది.
ఈ ప్రక్రియలో భాగంగా టీఎంసీ ప్రధాన కార్యదర్శి, మమతా బెనర్జీ మేనల్లుడు అభిషేక్ బెనర్జీని సోమవారమే పిలిపించాలని స్పీకర్ ప్రయత్నించగా, ఆయన ఈడీ విచారణలో ఉండటంతో అది సాధ్యపడలేదని సంబంధిత వర్గాలు తెలిపాయి. రెండు గంటల గడువుతో ఈ-మెయిల్ ద్వారా పంపిన పిలుపునకు టీఎంసీ వర్గాలు స్పందించినట్లు సమాచారం.
ఈ నేపథ్యంలో ఎంపీ కీర్తి ఆజాద్ స్పీకర్ను కలుసుకుని పరిస్థితిని వివరించారు. తిరుగుబాటు ఎంపీలు పార్లమెంటులో విడిగా సీట్లు కేటాయించాలని, అలాగే ‘నేషనలిస్ట్ సిటిజన్స్ పార్టీ ఆఫ్ ఇండియా’ (ఎన్సీపీఐ)లో విలీనమై ఎన్డీయేకు మద్దతు ఇస్తామని పేర్కొంటూ లేఖ సమర్పించినట్లు తెలుస్తోంది.
ఈ లేఖపై స్పీకర్ న్యాయనిపుణులతో చర్చలు జరుపుతున్నారు. ఆయన తీసుకునే నిర్ణయం న్యాయస్థానాల్లో సవాలు అయినా నిలబడేలా ముందస్తు న్యాయసలహా తీసుకుంటున్నారని సమాచారం.
ఇక తమ పార్టీ పూర్తిగా మమతా బెనర్జీ నాయకత్వంలోనే ఉందని టీఎంసీ ఎంపీ కీర్తి ఆజాద్ స్పష్టం చేశారు. ఉనికిలో లేని పార్టీలో తిరుగుబాటు ఎంపీలు విలీనం అవుతామని చెప్పడం ఎలా సాధ్యమని ఆయన ప్రశ్నించారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
