ఎన్నికల్లో పోటీ చేసేందుకు కాక్రోచ్ జనతా పార్టీ (సీజేపీ) ఆసక్తిగా లేదని ఆ పార్టీ వ్యవస్థాపకుడు అభిజీత్ దీప్కే మంగళవారం సూచనప్రాయంగా తెలిపారు. దేశవ్యాప్తంగా రాజకీయ వ్యవస్థ, విద్యార్థి సమస్యలపై ఆయన చేసిన వ్యాఖ్యలు చర్చకు దారితీశాయి.
నాగ్పుర్లో సీజేపీ నిర్వహించిన ఆందోళన నేపథ్యంలో మీడియాతో మాట్లాడిన ఆయన, నీట్-యూజీ గందరగోళం తర్వాత విద్యార్థులతో కేంద్ర ప్రభుత్వం సరైన రీతిలో మాట్లాడలేదని ప్రధాని నరేంద్ర మోదీపై విమర్శలు గుప్పించారు. కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలంటూ డిమాండ్ చేశారు.
ఎన్నికల్లో సీజేపీ పోటీ చేస్తుందా? అన్న ప్రశ్నకు స్పందిస్తూ ఆయన, “మేం ఎన్నికల్లో ఎందుకు పోటీ చేయాలి? దేశంలో ప్రతి ఒక్కరూ తమ హక్కుల కోసం ఎన్నికల్లో పోటీ చేయాల్సి వస్తే అది ఎలా సాధ్యం?” అని వ్యాఖ్యానించారు.
నీట్-యూజీ వివాదం నేపథ్యంలో మరణించిన విద్యార్థుల కుటుంబాలకు ప్రధాని మోదీ ముందుగా క్షమాపణ చెప్పాలని దీప్కే కోరారు. “ప్రపంచంలో ఏ ఘటన జరిగినా వెంటనే స్పందించే ప్రధాని, దేశంలో విద్యార్థుల సమస్యలపై మాత్రం స్పందించలేదు” అని ఆయన విమర్శించారు.
‘మన్ కీ బాత్’, ‘పరీక్ష పే చర్చ’ కార్యక్రమాలను ప్రస్తావిస్తూ, విద్యార్థుల వాస్తవ సమస్యలను తెలుసుకోవాలని సూచించారు. విద్యార్థులతో ప్రత్యక్షంగా మాట్లాడితే సమస్యలకు పరిష్కారాలు దొరుకుతాయని అభిప్రాయపడ్డారు.
ధర్మేంద్ర ప్రధాన్ రాజీనామా జరిగే వరకు సీజేపీ దేశవ్యాప్త ఆందోళన కొనసాగుతుందని ఆయన స్పష్టం చేశారు. తనపై జరిగిన దాడి వెనుక కొందరు ఆరెస్సెస్ వ్యక్తుల పాత్ర ఉందని కూడా ఆరోపించారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
