ముంబయి–పుణె ఎక్స్ప్రెస్వేపై దాదాపు 40 గంటల పాటు కొనసాగిన భారీ ట్రాఫిక్ సమస్యకు ఎట్టకేలకు పరిష్కారం లభించింది. గ్యాస్ ట్యాంకర్ బోల్తా పడటంతో వాహనాల రాకపోకలు పూర్తిగా నిలిచిపోయి, మహిళలు, చిన్నారులు సహా వేలాది మంది ప్రయాణికులు తీవ్ర ఇబ్బందులు ఎదుర్కొన్నారు.
మహారాష్ట్రలోని రాయ్గడ్ జిల్లా అదోషీ టన్నెల్ సమీపంలో ఒక గ్యాస్ ట్యాంకర్ ప్రమాదానికి గురై బోల్తా పడింది. ట్యాంకర్ నుంచి ప్రమాదకరమైన గ్యాస్ లీకవుతున్న నేపథ్యంలో అధికారులు వెంటనే అప్రమత్తమై ఎక్స్ప్రెస్వేపై వాహనాల రాకపోకలను నిలిపివేశారు. దీంతో అనేక కిలోమీటర్ల మేర ట్రాఫిక్ నిలిచిపోయింది. సంఘటన స్థలానికి చేరుకున్న ఎన్డీఆర్ఎఫ్, ఎస్డీఆర్ఎఫ్ బృందాలు గంటల తరబడి శ్రమించి గురువారం తెల్లవారుజామున ట్యాంకర్ను అక్కడినుంచి తొలగించాయి. అనంతరం వాహనాల రాకపోకలు నెమ్మదిగా ప్రారంభమయ్యాయని ఎక్స్ప్రెస్వే కంట్రోల్ రూమ్ అధికారులు తెలిపారు. అయితే పూర్తిస్థాయిలో ట్రాఫిక్ క్లియర్ కావడానికి ఇంకా కొంత సమయం పట్టే అవకాశం ఉందని వెల్లడించారు.
ట్రాఫిక్ జామ్ కారణంగా వేలాది మంది ప్రయాణికులు రోడ్డుపై గంటల తరబడి నిలిచిపోయారు. కొందరు వైద్య చికిత్స కోసం ప్రయాణిస్తున్నవారూ ఇందులో ఉండటం పరిస్థితిని మరింత క్లిష్టంగా మార్చింది. ఆహారం, తాగునీరు, టాయిలెట్ సౌకర్యాలు లేక చిన్నారులు, మహిళలు, వృద్ధులు తీవ్ర ఇబ్బందులు పడ్డారు. తమ సమస్యలను ప్రయాణికులు సోషల్ మీడియాలో తెలియజేయగా, స్థానిక పోలీసులు కొంతమంది వాహనదారులకు నీరు, బిస్కెట్లు అందించి సహాయం చేశారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
