హర్మూజ్ జలసంధి వద్ద అమెరికా కొనసాగిస్తున్న కఠిన దిగ్బంధనం పశ్చిమాసియాలో పరిస్థితులను మరింత ఉద్రిక్తంగా మార్చుతోంది. ఇరాన్ అణ్వాయుధాల అభివృద్ధిని పూర్తిగా నిలిపివేసే వరకు ఈ చర్యలు కొనసాగుతాయని అమెరికా రక్షణ మంత్రి పీట్ హెగ్సెత్ స్పష్టం చేశారు. హర్మూజ్ ప్రాంతాన్ని “ఉక్కు కవచం”లా పర్యవేక్షిస్తున్నామని, ఇది తాత్కాలికం కాదని ఆయన వ్యాఖ్యానించారు.
ఇరాన్ నౌకల కదలికలపై కఠిన నిఘా కొనసాగుతోందని అమెరికా ప్రకటించింది. ఇప్పటివరకు 34 నౌకలను వెనక్కి పంపినట్లు, కొన్ని నౌకలను నిలిపివేసి తనిఖీలు చేసినట్లు అమెరికా సైనిక వర్గాలు వెల్లడించాయి. ఆదేశాలను ధిక్కరించిన ఇరాన్ నౌకలపై చర్యలు తీసుకున్నామని కూడా పేర్కొన్నాయి.
ఇరాన్ సముద్ర మార్గాల్లో అస్థిరత సృష్టిస్తోందని, అంతర్జాతీయ వాణిజ్య భద్రతకు ముప్పు కలిగిస్తోందని అమెరికా ఆరోపిస్తోంది. అందుకే హర్మూజ్తో పాటు హిందూ మహాసముద్రం, పసిఫిక్ ప్రాంతాల్లోనూ నిఘా విస్తరించినట్లు సమాచారం.
ఇదే సమయంలో అమెరికా–ఇరాన్ మధ్య పాకిస్థాన్ వేదికగా పరోక్ష చర్చలు జరగనున్న నేపథ్యంలో ఈ కఠిన వ్యాఖ్యలు ప్రాధాన్యం సంతరించుకున్నాయి. మరోవైపు ఇరాన్ మాత్రం అమెరికాతో నేరుగా చర్చలు జరపబోమని, మధ్యవర్తుల ద్వారానే సందేశాలు మార్పిడి జరుగుతాయని స్పష్టం చేసింది. ఈ పరిణామాలు గల్ఫ్ ప్రాంతంలో ఉద్రిక్తతలను మరింత పెంచే అవకాశం ఉందని అంతర్జాతీయ విశ్లేషకులు అభిప్రాయపడుతున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
