అభివృద్ధి దిశగా ఏపీ అడుగులు: గవర్నర్ ప్రసంగం

పారదర్శకతకు ప్రాముఖ్యతనిస్తూ 7 శ్వేతపత్రాలు విడుదల చేశామని, సంక్షేమం–అభివృద్ధి సమతుల్యత కోసం పది సూత్రాలు రూపొందించామని గవర్నర్ తెలిపారు. “స్వర్ణాంధ్ర విజన్” ద్వారా రాష్ట్రాన్ని ఆర్థికంగా బలపర్చే దీర్ఘకాలిక ప్రణాళిక అమలు చేస్తున్నామని చెప్పారు. సంపద సృష్టి, ఉపాధి అవకాశాల పెంపు, పారిశ్రామికాభివృద్ధి ప్రభుత్వ ప్రధాన లక్ష్యాలుగా ఉన్నాయని వెల్లడించారు.

అయితే గవర్నర్ ప్రసంగం సమయంలో వైకాపా సభ్యులు నిరసన వ్యక్తం చేశారు. మాజీ సీఎం జగన్ సహా ఆ పార్టీ ఎమ్మెల్యేలు ప్రభుత్వానికి వ్యతిరేకంగా నినాదాలు చేస్తూ పలుమార్లు ఆటంకం కలిగించారు. అనంతరం సభ నుంచి వాక్‌ఔట్ చేశారు.

ఈ పరిణామాలతో అసెంబ్లీ సమావేశాలు రాజకీయంగా ఉద్రిక్త వాతావరణంలో కొనసాగనున్నాయి. రాబోయే రోజుల్లో బడ్జెట్ చర్చలు మరింత వేడెక్కే అవకాశముందని రాజకీయ వర్గాలు భావిస్తున్నాయి.ఆంధ్రప్రదేశ్ అసెంబ్లీ బడ్జెట్ సమావేశాల ప్రారంభ సందర్భంగా గవర్నర్ జస్టిస్ అబ్దుల్ నజీర్ రాష్ట్ర ప్రస్తుత పరిస్థితులు, భవిష్యత్ దిశపై సమగ్రంగా ప్రసంగించారు. రాష్ట్ర విభజన తర్వాత ఎదురైన ఆర్థిక, పరిపాలనా సవాళ్లను గుర్తుచేస్తూ, పరిమిత వనరులతోనూ అభివృద్ధి కోసం కృషి జరిగిందని పేర్కొన్నారు.2019 తరువాత పాలనలో ఏర్పడిన లోపాలు రాష్ట్ర పురోగతిని దెబ్బతీశాయని గవర్నర్ అభిప్రాయపడ్డారు. మౌలిక వసతులు, విద్యుత్, సాగునీటి రంగాలు వెనుకబడినట్టు వివరించారు. ఆర్థిక ఒత్తిడి పెరిగి అభివృద్ధి పనులు నిలిచిపోయాయని తెలిపారు. ప్రజలు మార్పు కోరుకుని కూటమి ప్రభుత్వాన్ని ఎన్నుకున్నారని ఆయన అన్నారు.

గత 19 నెలలుగా ప్రభుత్వం పునరుద్ధరణ చర్యలకు ప్రాధాన్యం ఇస్తోందని గవర్నర్ వెల్లడించారు. నిలిచిపోయిన ప్రాజెక్టులను పునఃప్రారంభించడం, పెట్టుబడులను ఆకర్షించడం, పరిపాలనా వ్యవస్థలను బలోపేతం చేయడం వంటి అంశాల్లో చర్యలు తీసుకున్నామని చెప్పారు. సూపర్-6 హామీల అమలుతో పాటు ఇతర సంక్షేమ పథకాలను సమర్థవంతంగా అమలు చేస్తున్నామని పేర్కొన్నారు.