అమరావతి రాయపూడి సమీపంలో మేఘా సంస్థ క్యాంపుసైటులో సోమవారం రాత్రి భారీ అగ్ని ప్రమాదం చోటుచేసుకుంది. సుమారు రూ.10 కోట్ల మేర నష్టం జరిగినట్లు అంచనా.రాత్రి 10.30 గంటల సమయంలో పీఎల్బీ పైపుల నుంచి మంటలు చెలరేగినట్లు సెక్యూరిటీ సిబ్బంది గుర్తించారు. మొదట చిన్న అగ్నిమాపక పరికరాలతో మంటలను అదుపులోకి తీసుకురావడానికి ప్రయత్నించినప్పటికీ విఫలమయ్యారు. వెంటనే ఫైర్స్టేషన్కు సమాచారం అందించారు.
మంగళగిరి, విజయవాడ, గుంటూరు నుంచి ఫైరింజిన్లు చేరుకుని సుమారు మూడు గంటల పాటు శ్రమించి అర్ధరాత్రి 2.05 గంటలకు మంటలను పూర్తిగా అదుపులోకి తీసుకొచ్చారు.ఘటనాస్థలంలో ఉన్న 22 లాట్లలో 18 లాట్ల పీఎల్బీ పైపులు పూర్తిగా కాలిపోయాయి. ఒక్కో లాట్లో 260 పైపులు ఉన్నట్లు మేఘా సంస్థ ప్రతినిధులు తెలిపారు.
వర్షాలతో చిత్తడిగా ఉన్న ప్రాంతంలో అగ్ని ప్రమాదం జరగడం అనుమానాలకు తావిస్తోంది. దీంతో పోలీసులు కుట్ర కోణంలో దర్యాప్తు ప్రారంభించారు. ఎస్పీ వకుల్ జిందాల్, ఇతర ఉన్నతాధికారులు ఘటనాస్థలాన్ని పరిశీలించి వివరాలు సేకరించారు.మేఘా సంస్థ ప్రతినిధుల ఫిర్యాదు మేరకు పోలీసులు కేసు నమోదు చేసి దర్యాప్తు కొనసాగిస్తున్నారు.
Andhra pradesh Andhrapradesh AndhraPradeshNews APNews Breaking news BreakingNews BusinessNews ChandrababuNaidu CricketNews CrimeNews EntertainmentNews Geopolitics governance Government India IndiaNews LatestNews LawAndOrder News news24 newsalert NewsToday NewsUpdate PoliticalNews PoliticalUpdate PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews Telangana TelanganaNews TeluguNews Tollywood TrendingNews TrendingNow ViralNews WorldNews
