స్టైలిష్ లుక్.. స్మార్ట్ ఫీచర్స్: పోర్ట్రానిక్స్ బీమ్ 570 డిజైన్ చూస్తే ఫిదా అవ్వాల్సిందే.!

ఇంట్లోనే థియేటర్ అనుభూతిని పొందాలనుకునే వారికోసం ప్రముఖ దేశీయ బ్రాండ్ పోర్ట్రానిక్స్ (Portronics) అదిరిపోయే గిఫ్ట్ ఇచ్చింది. తన పాపులర్ ప్రొజెక్టర్ సిరీస్‌లో భాగంగా Portronics Beem 570ని మార్కెట్లోకి విడుదల చేసింది. తక్కువ బడ్జెట్‌లో ప్రీమియం ఫీచర్లు, అదిరిపోయే క్లారిటీతో ఈ స్మార్ట్ ప్రొజెక్టర్ టెక్ ప్రియులను ఆకట్టుకుంటోంది.

Portronics Beem 570 – ప్రధాన విశేషాలు:

ఫ్లెక్సిబుల్ డిజైన్: ఈ ప్రొజెక్టర్‌కు 270-డిగ్రీల అడ్జస్టబుల్ స్టాండ్ ఉంది. దీనివల్ల గోడపైనే కాదు, అవసరమైతే రూఫ్ (పైకప్పు) పై కూడా మీకు నచ్చిన కోణంలో సినిమాను ప్రొజెక్ట్ చేసుకోవచ్చు.

సినిమాటిక్ విజువల్స్: 1080p ఫుల్ HD రిజల్యూషన్ మరియు 10,000 ల్యూమెన్ల బ్రైట్‌నెస్‌తో విజువల్స్ చాలా షార్ప్‌గా ఉంటాయి. గరిష్టంగా 120 అంగుళాల భారీ స్క్రీన్ సైజ్‌ను ఇది సపోర్ట్ చేస్తుంది.

స్మార్ట్ OS: ఇది ఆండ్రాయిడ్ 13 ఆధారిత Whale TV OSపై పనిచేస్తుంది. నెట్‌ఫ్లిక్స్, యూట్యూబ్, ప్రైమ్ వీడియో వంటి యాప్‌లు ముందే ఇన్‌స్టాల్ అయి ఉంటాయి కాబట్టి నేరుగా స్ట్రీమింగ్ చేసుకోవచ్చు.

టెక్నాలజీ: ఇమేజ్ క్లారిటీ కోసం ఆటోఫోకస్, ఆటో కీస్టోన్ కరెక్షన్ ఫీచర్లు ఉన్నాయి. గోడపై ఏవైనా అడ్డంకులు ఉంటే వాటిని గుర్తించి స్క్రీన్‌ను అడ్జస్ట్ చేసే ఆబ్స్టాకిల్ అవాయిడెన్స్ టెక్నాలజీ దీని ప్రత్యేకత.

కనెక్టివిటీ & సౌండ్: ఇందులో 5W ఇన్‌బిల్ట్ స్పీకర్ ఉంది. బ్లూటూత్ 5.4, డ్యూయల్ బ్యాండ్ Wi-Fi, HDMI మరియు USB పోర్టుల ద్వారా వేగంగా కనెక్ట్ అవ్వొచ్చు. స్క్రీన్ మిర్రరింగ్ ద్వారా మొబైల్ కంటెంట్‌ను కూడా పెద్ద స్క్రీన్‌పై చూడొచ్చు.

లైఫ్ టైమ్: దీని ల్యాంప్ 50,000 గంటల పాటు పనిచేస్తుంది. అంటే ఏళ్ల తరబడి ఎలాంటి రిపేర్లు లేకుండా వాడుకోవచ్చు.

ధర మరియు లభ్యత:

ఈ స్మార్ట్ ప్రొజెక్టర్ ధర కేవలం ₹19,999. ఇది పోర్ట్రానిక్స్ అధికారిక వెబ్‌సైట్‌తో పాటు ఫ్లిప్‌కార్ట్, అమెజాన్ వంటి ఈ-కామర్స్ సైట్లలో అందుబాటులో ఉంది. కంపెనీ దీనికి 12 నెలల వారంటీని కూడా అందిస్తోంది.