మార్కెట్ నియంత్రణ సంస్థ సెబీ నుంచి పబ్లిక్ ఇష్యూకు అనుమతి లభించిన నేపథ్యంలో.. దేశీయ స్టాక్ మార్కెట్లో ఎంతో ఆసక్తి రేకెత్తిస్తున్న ఈ ఐపీఓలో తాజాగా కీలక మార్పులు చోటుచేసుకుంటున్నట్లు తెలుస్తోంది.
తొలుత నేషనల్ స్టాక్ ఎక్స్ఛేంజ్లోని వాటాదారులు తమ వద్ద ఉన్న సుమారు 6 శాతం షేర్లను ఆఫర్ ఫర్ సేల్ (OFS) ద్వారా విక్రయించాలని భావించారు. అయితే, తాజాగా ఈ వాటాను 5.2-5.5 శాతానికి తగ్గించే అవకాశం ఉన్నట్లు సంబంధిత వర్గాల సమాచారం. కొందరు వాటాదారులు తమ షేర్లను విక్రయించే నిర్ణయం నుంచి వెనక్కి తగ్గడమే ఇందుకు కారణంగా తెలుస్తోంది.
ఎన్ఎస్ఈ ఐపీఓ ద్వారా తొలుత సుమారు ₹30 వేల కోట్ల విలువను లక్ష్యంగా పెట్టుకున్నట్లు సమాచారం. అయితే భవిష్యత్తులో ఎన్ఎస్ఈ షేర్లకు మరింత మెరుగైన విలువ లభించే అవకాశం ఉందన్న అంచనాలతో కొందరు వాటాదారులు ప్రస్తుత ఐపీఓలో తమ వాటాను విక్రయించకూడదని నిర్ణయించుకున్నట్లు తెలుస్తోంది.
ఈ మార్పుల కారణంగా ఐపీఓ మొత్తం విలువ ₹25 వేల కోట్ల నుంచి ₹27 వేల కోట్ల మధ్య ఉండొచ్చని మార్కెట్ వర్గాలు అంచనా వేస్తున్నాయి. ఒక్కో షేరు ధర రూ.1,700-1,785 మధ్య ఉండే అవకాశం ఉందని సమాచారం.
సెబీ అనుమతి తర్వాత ఎన్ఎస్ఈ ఐపీఓపై ఇన్వెస్టర్లలో ఆసక్తి మరింత పెరిగింది. దేశంలోనే అతిపెద్ద స్టాక్ ఎక్స్ఛేంజ్లలో ఒకటైన ఎన్ఎస్ఈ తొలిసారిగా పబ్లిక్ మార్కెట్లోకి రావడం ప్రాధాన్యం సంతరించుకుంది. ఐపీఓ పరిమాణం తగ్గినప్పటికీ.. ఇన్వెస్టర్ల నుంచి భారీ స్పందన వచ్చే అవకాశం ఉందని మార్కెట్ వర్గాలు భావిస్తున్నాయి.
ప్రస్తుత సమాచారం ప్రకారం సెప్టెంబర్ 18న ఐపీఓ సబ్స్క్రిప్షన్ ప్రారంభమై.. సెప్టెంబర్ 21న ముగిసే అవకాశం ఉంది. అనంతరం సెప్టెంబర్ 26న స్టాక్ ఎక్స్ఛేంజీల్లో ఎన్ఎస్ఈ షేర్ల లిస్టింగ్ జరిగే అవకాశం ఉన్నట్లు తెలుస్తోంది. అయితే తుది ఇష్యూ పరిమాణం, ధర, తేదీలపై అధికారిక ప్రకటన రావాల్సి ఉంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
