చర్మం ఆరోగ్యంగా, కాంతివంతంగా ఉండాలంటే బయట నుంచి చేసే సంరక్షణతో పాటు మనం తీసుకునే ఆహారం కూడా కీలకం. పోషకాల లోపం, జంక్ ఫుడ్, ప్రాసెస్ చేసిన ఆహారం, అధిక చక్కెర వంటివి చర్మం, జుట్టు, గోళ్లపై ప్రభావం చూపవచ్చు.
పోషకాల లోపంతో సమస్యలు..విటమిన్ బి12 లోపం వల్ల చర్మంపై నల్లటి మచ్చలు, నోటి పూత, జుట్టు త్వరగా తెల్లబడటం వంటి సమస్యలు రావచ్చు. ఐరన్ లోపంతో జుట్టు రాలడం, చర్మం పాలిపోవడం, గోళ్లు బలహీనపడటం, అలసట కనిపించవచ్చు. అవసరమైన కొవ్వు ఆమ్లాలు తక్కువైతే చర్మం పొడిబారడం, పొలుసులుగా ఊడటం వంటి సమస్యలు రావచ్చు.విటమిన్ డి కూడా చర్మ ఆరోగ్యానికి అవసరం. సూర్యరశ్మితో పాటు చేపలు, గుడ్డు పచ్చసొన, పుట్టగొడుగులు, పాల పదార్థాల ద్వారా ఇది లభిస్తుంది.
చర్మ సమస్యల్లో ఆహారం పాత్ర.. మొటిమలు ఉన్నవారు అధిక చక్కెర, చక్కెర పానీయాలు, ప్రాసెస్ చేసిన ఆహారాన్ని తగ్గించడం మంచిది. సోరియాసిస్ ఉన్నవారు బరువును నియంత్రించుకోవడం, సమతులాహారం తీసుకోవడంపై దృష్టి పెట్టాలి. ఎగ్జిమా ఉన్న కొందరిలో కొన్ని ఆహార పదార్థాలు అలర్జీకి కారణం కావచ్చు. అయితే వైద్యుల సలహా లేకుండా ఏ ఆహారాన్నీ పూర్తిగా మానేయకూడదు.
ఇవి తీసుకోండి.. తాజా పండ్లు, కూరగాయలు, ఆకుకూరలు, పప్పులు, ప్రొటీన్లు, పీచు పదార్థాలు ఉన్న సమతులాహారం తీసుకోవాలి. తగినంత నీరు తాగడం కూడా ముఖ్యం.
వీటిని తగ్గించండి.. చక్కెర పానీయాలు, సోడాలు, ప్యాక్ చేసిన ఆహారం, బేకరీ పదార్థాలు, అతిగా నూనెతో చేసిన ఆహారాన్ని తగ్గించాలి. సొంతంగా విటమిన్ మాత్రలు వాడటం, క్రాష్ డైటింగ్ చేయడం కూడా మంచిది కాదు.చర్మంపై తరచూ మచ్చలు, దురద, రంగు మారడం, అధిక పొడిబారడం లేదా ఇతర మార్పులు కనిపిస్తే నిర్లక్ష్యం చేయకుండా వైద్యులను సంప్రదించడం ఉత్తమం.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
