24,042 మంది పేదలకు ఇళ్ల స్థలాలపై సంపూర్ణ హక్కులు కల్పిస్తూ రాష్ట్ర ప్రభుత్వం పట్టాలు పంపిణీ చేయనుంది. ఎన్టీఆర్, కృష్ణా జిల్లాల్లో మొత్తం 616.53 ఎకరాలకు సంబంధించి రూ.9,798 కోట్ల విలువైన భూములకు ఈ పట్టాలు అందనున్నాయి. ఈ నెల 30న విజయవాడ అజిత్సింగ్నగర్లోని మాకినేని బసవపున్నయ్య స్టేడియంలో నిర్వహించే ‘పేదలకు పట్టాభిషేకం’ కార్యక్రమంలో సీఎం చంద్రబాబు లబ్ధిదారులకు పట్టాలు అందించనున్నారు.
దశాబ్దాలుగా ఇళ్లు నిర్మించుకుని నివసిస్తున్నప్పటికీ స్థలాలపై పూర్తి హక్కులు లేక ఇబ్బందులు ఎదుర్కొంటున్న కుటుంబాలకు ఈ పట్టాలతో చట్టబద్ధ హక్కులు లభించనున్నాయి. ఇంటి అవసరాలు, పిల్లల చదువులు వంటి వాటికి రుణాలు పొందే అవకాశం కూడా కలగనుంది. ఈ భూముల మార్కెట్ విలువ రూ.24,497 కోట్లకు పైగా ఉంటుందని అధికారులు పేర్కొన్నారు.
జీవో 306 కింద 12,710 మందికి, జీవో 30 కింద 11,332 మందికి పట్టాలు అందించనున్నారు. లబ్ధిదారుల్లో 12,084 మంది బీసీలు, 6,124 మంది ఓసీలు, 4,546 మంది ఎస్సీలు, 955 మంది ముస్లింలు, 333 మంది ఎస్టీలు ఉన్నారు. విజయవాడ తూర్పు నియోజకవర్గంలో 8,140 మందికి, పశ్చిమలో 6,790 మందికి, మధ్య నియోజకవర్గంలో 6,325 మందికి పట్టాలు అందనున్నాయి.
విజయవాడతో పాటు జగ్గయ్యపేట, మైలవరం, నందిగామ, తిరువూరు, గన్నవరం ప్రాంతాల్లోనూ అర్హులైన కుటుంబాలకు పట్టాలు పంపిణీ చేయనున్నారు. దీంతో ఇన్నేళ్లుగా హక్కుల కోసం ఎదురుచూస్తున్న వేలాది కుటుంబాలకు తమ ఇళ్లు, ఇంటి స్థలాలపై భరోసా కలగనుంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews Crime News EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
