ప్రపంచం వేగంగా ఆర్టిఫిషియల్ ఇంటెలిజెన్స్ (AI) యుగంలోకి అడుగుపెడుతోందని, ఇది కేవలం టెక్నాలజీ అప్గ్రేడ్ మాత్రమే కాకుండా మొత్తం ఆర్థిక వ్యవస్థను మార్చే రీసెట్ అని జియో ప్లాట్ఫార్మ్స్ గ్రూప్ సీఈఓ మ్యాథ్యూ ఊమెన్ పేర్కొన్నారు. స్పెయిన్లో జరిగిన మొబైల్ వరల్డ్ కాంగ్రెస్ (MWC) – బార్సిలోనా వేదికగా ఆయన ఈ వ్యాఖ్యలు చేశారు.
ఆయన ప్రకారం ప్రపంచ ఆర్థిక వ్యవస్థలో టెలికాం రంగం ఇప్పటివరకు “నిమిషాలు (Minutes), బైట్స్ (Bytes)” ఆధారంగా పనిచేసింది. కానీ రాబోయే కాలంలో ఇది “టోకెన్స్ (Tokens), ఇంటెలిజెన్స్ (Intelligence)” ఆధారంగా నడిచే కొత్త ఆర్థిక వ్యవస్థగా మారబోతోందని చెప్పారు.
మ్యాథ్యూ ఊమెన్ మాట్లాడుతూ, ఇండస్ట్రియల్ యుగం ఉత్పత్తి ఆధారంగా ఉండగా, ఇంటర్నెట్ యుగం కనెక్టివిటీ మరియు క్లౌడ్ సేవలను అందించిందన్నారు. ఇప్పుడు AI యుగం మాత్రం ఈ రెండు దశలను దాటి పూర్తిగా కొత్త ఆర్థిక సమీకరణాన్ని రూపొందించబోతోందని స్పష్టం చేశారు. “ఇది సాధారణ అప్డేట్ సైకిల్ కాదు, ఇది పూర్తి స్థాయి రీసెట్” అని ఆయన పేర్కొన్నారు. ప్రపంచవ్యాప్తంగా AI రంగంలో ట్రిలియన్ డాలర్ల పెట్టుబడులు ప్రవహిస్తున్నాయని, దీనివల్ల టెక్నాలజీ రంగంలో పెద్ద మార్పులు చోటుచేసుకుంటున్నాయని ఆయన వివరించారు.
జియో సంస్థ దృష్టిని వివరించిన ఆయన, టెలికాం సంస్థలు కేవలం నెట్వర్క్ ప్రొవైడర్లుగా కాకుండా ‘ఇంటెలిజెన్స్ గ్రిడ్’ బిల్డర్లుగా మారాల్సిన అవసరం ఉందని చెప్పారు. ఇప్పటివరకు టెలికాం ఆదాయం వాయిస్ కాలింగ్ ద్వారా వచ్చిన నిమిషాలు ఆధారంగా ఉండేది. తరువాత డేటా సేవలు రావడంతో బైట్స్ ఆధారంగా మారింది. ఇక భవిష్యత్తులో ఇది AI టోకెన్స్ ఆధారంగా ఉండబోతుందని తెలిపారు.
ఈ AI టోకెన్స్లో AI కంప్యూటేషన్, మోడల్ ఇన్ఫరెన్స్, ఆటోమేటెడ్ నిర్ణయాలు, మెషీన్-టు-మెషీన్ కమ్యూనికేషన్ వంటి స్మార్ట్ సేవలు ఉంటాయని చెప్పారు. ఈ మార్పు టెలికాం రంగానికి కొత్త అవకాశాలను తీసుకురానుందని, జియో కూడా ఆ దిశగా అడుగులు వేస్తోందని మ్యాథ్యూ ఊమెన్ వెల్లడించారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
