అల్లూరి సీతారామరాజు జిల్లాలో ఎడతెరిపిలేకుండా కురుస్తున్న భారీ వర్షాలతో జనజీవనం అస్తవ్యస్తమవుతోంది. జీకే వీధి మండలం దారకొండ పంచాయతీ పరిధిలోని చిన్న గంగవరం వద్ద ఉన్న తాత్కాలిక వంతెన భారీ వర్షాలకు కొట్టుకుపోయింది. దీంతో ఆంధ్రా–ఒడిశా సరిహద్దులోని సుమారు 15 గ్రామాలకు రాకపోకలు పూర్తిగా నిలిచిపోయాయి.
ఈ గ్రామాల ప్రజలు నిత్యావసరాలు, వైద్యం, విద్య, ఇతర అవసరాల కోసం ఈ వంతెనపైనే ఆధారపడుతున్నారు. వంతెన కొట్టుకుపోవడంతో గ్రామాల మధ్య రాకపోకలకు తీవ్ర అంతరాయం ఏర్పడింది. అత్యవసర పరిస్థితుల్లో ఆసుపత్రులకు వెళ్లాల్సిన వారు కూడా ఇబ్బందులు ఎదుర్కొనే పరిస్థితి నెలకొంది.
2024లో కురిసిన భారీ వర్షాల సమయంలో ఇదే ప్రాంతంలోని వంతెన దెబ్బతిని కొట్టుకుపోయింది. అనంతరం రాకపోకలు కొనసాగించేందుకు అధికారులు తాత్కాలిక వంతెనను ఏర్పాటు చేశారు. తాజాగా కురుస్తున్న భారీ వర్షాలకు ఆ తాత్కాలిక వంతెన కూడా ధ్వంసం కావడంతో సమస్య మళ్లీ మొదటికి వచ్చింది.
తమ సమస్యకు శాశ్వత పరిష్కారం చూపాలని ఆయా గ్రామాల గిరిజనులు కోరుతున్నారు. ప్రతిసారీ తాత్కాలిక ఏర్పాట్లు చేయడం వల్ల వర్షాకాలంలో రాకపోకలు నిలిచిపోతున్నాయని చెబుతున్నారు. ఈ ప్రాంతంలో శాశ్వతంగా కొత్త వంతెన నిర్మించి రవాణా సమస్యను పరిష్కరించాలని విజ్ఞప్తి చేస్తున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
