కేంద్ర ప్రభుత్వం ప్రవేశపెట్టిన బడ్జెట్పై కాంగ్రెస్ అగ్రనేత రాహుల్ గాంధీ చేసిన విమర్శలకు కేంద్ర ఆర్థిక మంత్రి నిర్మలా సీతారామన్ ఘాటుగా స్పందించారు. బడ్జెట్ సమగ్రంగా లేదని రాహుల్ గాంధీ చేసిన వ్యాఖ్యలకు ఎటువంటి ఆధారాలు లేవని ఆమె పేర్కొన్నారు. బడ్జెట్లో లోపాలు ఉన్నాయని ఆరోపిస్తున్న కాంగ్రెస్ నేత, వాటిని స్పష్టంగా నిరూపించి చూపించగలరా? అంటూ సవాల్ విసిరారు.
ఈ సందర్భంగా నిర్మలా సీతారామన్ మాట్లాడుతూ, కేంద్ర బడ్జెట్లో యువత నైపుణ్యాభివృద్ధి, వ్యవస్థాపకత, కృత్రిమ మేధస్సు (AI) వంటి ఆధునిక సాంకేతిక రంగాలపై ప్రత్యేక దృష్టి సారించామని తెలిపారు. దేశంలో మారుతున్న కార్మిక మార్కెట్ అవసరాలకు అనుగుణంగా వ్యవసాయం, గ్రామీణ ఉపాధి, యువతకు శిక్షణ కేంద్రాల ఏర్పాటు వంటి చర్యలను బడ్జెట్లో పొందుపరిచినట్లు వివరించారు.
ఇదే సమయంలో రాహుల్ గాంధీ ఇటీవల బడ్జెట్పై తీవ్ర విమర్శలు చేశారు. కేంద్రం ప్రవేశపెట్టిన బడ్జెట్ దేశం ఎదుర్కొంటున్న నిజమైన సమస్యలను పట్టించుకోలేదని, యువతకు ఉద్యోగాలు లేవని, తయారీ రంగం పతనమవుతోందని ఆయన ఆరోపించారు. పెట్టుబడిదారులు పెట్టుబడులను ఉపసంహరించుకుంటున్నారని, రైతుల ఇబ్బందులు, అంతర్జాతీయ పరిణామాల వల్ల దేశానికి తగులుతున్న దెబ్బలపై ప్రభుత్వం దృష్టి పెట్టలేదని వ్యాఖ్యానించారు.ఈ వ్యాఖ్యల నేపథ్యంలోనే నిర్మలా సీతారామన్ స్పందిస్తూ, ఆరోపణలకు బదులుగా వాస్తవాలు, ఆధారాలతో మాట్లాడాలని రాహుల్ గాంధీకి సూచించారు. కేంద్ర బడ్జెట్ దేశ అభివృద్ధి లక్ష్యాలను దృష్టిలో పెట్టుకుని రూపొందించామని ఆమె స్పష్టం చేశారు.
Andhra pradesh Andhrapradesh AndhraPradeshNews APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
