ప్రజల అభిప్రాయాలకు అనుగుణంగా పౌరసేవలను మరింత మెరుగుపరచాలని ముఖ్యమంత్రి చంద్రబాబు అధికారులను ఆదేశించారు. హాస్టళ్లలో విద్యార్థులకు అందుతున్న వసతులు, సౌకర్యాలపై తల్లిదండ్రులకు పూర్తి అవగాహన కల్పించాలని సూచించారు. ప్రతినెలా మొదటి ఆదివారం విద్యార్థుల తల్లిదండ్రులను వసతిగృహాలకు ఆహ్వానించి, అక్కడి పరిస్థితులను స్వయంగా వివరించాలని ఆదేశించారు. హాస్టళ్లలో గతంతో పోలిస్తే వచ్చిన మార్పులు, మెరుగైన సౌకర్యాలను వారికి తెలియజేయాలని స్పష్టం చేశారు.
సోమవారం తన క్యాంపు కార్యాలయంలో రియల్టైమ్ గవర్నెన్స్పై ముఖ్యమంత్రి సమీక్ష నిర్వహించారు. ఈ సందర్భంగా ప్రభుత్వ శాఖలు ప్రజల అభిప్రాయాలను పరిగణనలోకి తీసుకుని పౌరసేవలను అందించేందుకు మరింత చొరవ చూపాలని సూచించారు. ప్రజల భాగస్వామ్యంతో నిర్వహించే కార్యక్రమాలు సానుకూల ఫలితాలను ఇస్తాయని సీఎం పేర్కొన్నారు. వెలిగొండ ప్రాజెక్టు, అల్లూరి సీతారామరాజు విమానాశ్రయం ప్రారంభోత్సవాల్లో ప్రజలు పెద్దఎత్తున భాగస్వాములు కావడాన్ని ఈ సందర్భంగా ప్రస్తావించారు.
వెలిగొండ ప్రాజెక్టు తొలిదశ పూర్తయి కృష్ణా జలాలు రావడంతో ప్రజల్లో ఆనందం వెల్లివిరిసిందని చంద్రబాబు తెలిపారు. అభివృద్ధి కార్యక్రమాలను ప్రజల భాగస్వామ్యంతో నిర్వహిస్తే మరింత సానుకూల స్పందన వస్తుందని పేర్కొన్నారు. మహిళలపై నేరాల నియంత్రణ, గంజాయి నిర్మూలన వంటి అంశాలపై కూడా ప్రజల్లో విస్తృతంగా అవగాహన కల్పించాలని అధికారులను ఆదేశించారు.
పట్టణాలు, గ్రామీణ ప్రాంతాల్లో పారిశుద్ధ్య నిర్వహణపై ప్రత్యేక శ్రద్ధ చూపాలని సీఎం సూచించారు. పరిసరాలను పరిశుభ్రంగా ఉంచుకోవడం వల్ల కలిగే ప్రయోజనాలపై ప్రజలకు అవగాహన కల్పించాలని చెప్పారు. ‘స్వర్ణాంధ్ర–స్వచ్ఛాంధ్ర’ కార్యక్రమంలో ఇప్పటివరకు తాను 20 సార్లు పాల్గొన్నట్లు సీఎం వెల్లడించారు.
అన్న క్యాంటీన్లకు దాతల నుంచి సహాయం అందేలా చర్యలు తీసుకోవాలని సూచించారు. ప్రజా సమస్యల పరిష్కార వేదిక ద్వారా వచ్చే దరఖాస్తులను పెండింగ్లో ఉంచకుండా వేగంగా పరిష్కరించాలని స్పష్టం చేశారు.
ప్రభుత్వ శాఖలన్నీ ఆన్లైన్ సేవలను విస్తృతంగా అందుబాటులోకి తీసుకురావాలని చంద్రబాబు ఆదేశించారు. సమీకృత సేవల విధానం ద్వారా నిర్ణయాలను వేగంగా తీసుకునేలా చర్యలు చేపట్టాలని సూచించారు. రెవెన్యూతో పాటు ఇతర శాఖలకు సంబంధించిన ధ్రువపత్రాలను కూడా ఆన్లైన్లోనే జారీ చేసే విధానాన్ని అమలు చేయాలని స్పష్టం చేశారు.
రాష్ట్రంలోని పరిస్థితులను ‘అవేర్’ ద్వారా ఎప్పటికప్పుడు అధ్యయనం చేసి రైతులకు అవసరమైన సూచనలు అందించాలని సీఎం తెలిపారు. ప్రస్తుత నీటి వనరులను సమర్థంగా వినియోగించుకుని ఉద్యాన పంటలను కాపాడేందుకు చర్యలు తీసుకోవాలని సూచించారు. సమీక్షలో ప్రభుత్వ ప్రధాన కార్యదర్శి సాయిప్రసాద్తో పాటు వివిధ శాఖల ఉన్నతాధికారులు పాల్గొన్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
