నల్గొండ జిల్లా కేంద్రంతో పాటు పలు ప్రాంతాల్లో చోరీలకు పాల్పడిన నిందితుడు హైదరాబాద్లో ఉన్నట్లు సమాచారం అందడంతో నల్గొండ సీసీఎస్ పోలీసుల బృందం మంగళవారం నగరానికి చేరుకుంది. సమాచారం ఆధారంగా ఆదిభట్ల సమీపంలోని అవుటర్ రింగ్ రోడ్డులో నిందితుడిని పట్టుకునేందుకు ప్రయత్నించారు.
ఈ సమయంలో నిందితుడు పోలీసులకు ఎదురు తిరిగి తప్పించుకునేందుకు ప్రయత్నించడంతో పరిస్థితి ఉద్రిక్తంగా మారినట్లు సమాచారం. దీంతో పోలీసులు కాల్పులు జరిపినట్లు తెలిసింది.
విచారణలో గాయపడిన నిందితుడిని ఏపీకి చెందిన భూష్మి శ్రీకాంత్గా గుర్తించారు. వెంటనే అతడిని వనస్థలిపురం ఆసుపత్రికి తరలించి చికిత్స అందిస్తున్నట్లు పోలీసులు తెలిపారు.
నిందితుడిపై పది కంటే ఎక్కువ దొంగతనాల కేసులు ఉన్నట్లు సమాచారం. అలాగే నాలుగేళ్ల క్రితం ఆంధ్రప్రదేశ్లో ఓ కానిస్టేబుల్ హత్య కేసులో కూడా అతడి పేరు ఉన్నట్లు తెలుస్తోంది.
ఈ ఘటనపై పూర్తి వివరాలు బుధవారం అధికారికంగా వెలుగులోకి వచ్చే అవకాశం ఉందని పోలీసులు పేర్కొన్నారు. కేసు దర్యాప్తు కొనసాగుతోంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate MovieNews News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
