గుంటూరులో మహిళను వివస్త్రను చేసి దాడికి పాల్పడ్డ ఘటనపై రాష్ట్ర హోం మంత్రి వంగలపూడి అనిత తీవ్ర ఆగ్రహం వ్యక్తం చేశారు. ఘటనకు సంబంధించిన పూర్తి వివరాలను జిల్లా ఎస్పీతో ఫోన్లో మాట్లాడి తెలుసుకున్నారు. బాధ్యులపై ఇప్పటికే చర్యలు తీసుకున్నట్లు ఎస్పీ హోం మంత్రికి వివరించినట్లు సమాచారం.
ఈ ఘటనలో పోలీసుల స్పందనపై కూడా హోం మంత్రి ఆరా తీశారు. ఫిర్యాదు అందిన తర్వాత చర్యలు తీసుకోవడంలో సీఐ ఎందుకు ఆలస్యం చేశారని ప్రశ్నించారు. విచారణలో నిర్లక్ష్యం వహించిన పోలీసు సిబ్బందిపైనా చర్యలు తీసుకోవాలని అధికారులను ఆదేశించారు.
మహిళల భద్రత విషయంలో ప్రభుత్వం అత్యంత కఠినంగా వ్యవహరిస్తుందని హోం మంత్రి స్పష్టం చేశారు. ఆడబిడ్డలపై దాడులకు పాల్పడే వారిని ఎట్టి పరిస్థితుల్లోనూ ఉపేక్షించబోమని హెచ్చరించారు. నిందితులు ఎవరైనా చట్టం ముందు సమానమేనని, నేరస్థులను నేరస్థులుగానే చూడాలని అధికారులకు సూచించారు.
రాజకీయ పార్టీల పేరుతో లేదా ఇతర ప్రభావాలతో నేరాలకు పాల్పడే వారిపై కఠిన చర్యలు తీసుకోవాలని హోం మంత్రి ఆదేశించారు. శాంతిభద్రతల పరిరక్షణలో పోలీసులు అప్రమత్తంగా ఉండాలని, ప్రజలకు న్యాయం జరిగేలా వేగంగా స్పందించాలని సూచించారు.
ఘటనపై పోలీసులు దర్యాప్తు కొనసాగిస్తున్నారు. బాధితురాలికి అవసరమైన సహాయం అందించాలని, నిందితులపై చట్టపరమైన చర్యలు తీసుకోవాలని అధికారులకు ఆదేశాలు జారీ చేశారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
