‘ఇరుముడి’ ఓ విభిన్నమైన అనుభూతిని అందించే సినిమా అని సంగీత దర్శకుడు జి.వి. ప్రకాశ్కుమార్ అన్నారు. భక్తి, భావోద్వేగం, సైకాలజీ, యాక్షన్ అంశాలను సమపాళ్లలో మేళవించిన ఈ చిత్రానికి సంగీతం అందించడం సవాల్గా అనిపించిందని చెప్పారు. రవితేజ కథానాయకుడిగా, శివ నిర్వాణ దర్శకత్వంలో రూపొందిన ఈ చిత్రం శుక్రవారం ప్రేక్షకుల ముందుకు రానుంది. ఈ సందర్భంగా జి.వి. ప్రకాశ్ మీడియాతో మాట్లాడారు.
‘ఇరుముడి’ సంగీతపరంగా చాలా సంక్లిష్టమైన చిత్రమని ఆయన తెలిపారు. కథలోని నాలుగు విభిన్న కోణాలను సమతూకం చేస్తూ సంగీతాన్ని రూపొందించాల్సి వచ్చిందన్నారు. గతంలో ప్రేమకథలు, వాణిజ్య చిత్రాలకు పనిచేసినప్పటికీ.. ‘ఇరుముడి’ తనకు కొత్త అనుభవాన్ని ఇచ్చిన సైకాలజికల్ థ్రిల్లర్ అని పేర్కొన్నారు.
ఈ సినిమాలో హీరోయిజం కంటే పాత్రలే ప్రధానంగా ఉంటాయని, కథలో వచ్చే మలుపులు ప్రేక్షకులను ఆశ్చర్యపరుస్తాయని చెప్పారు. ముఖ్యంగా ద్వితీయార్ధంలో నేపథ్య సంగీతానికి ఎంతో ప్రాధాన్యం ఉందన్నారు. ఈ చిత్రానికి జాతీయ స్థాయిలో గుర్తింపు లభించే అవకాశం ఉందని, వాణిజ్యంగానూ మంచి విజయాన్ని సాధిస్తుందని ఆశాభావం వ్యక్తం చేశారు.
రవితేజ నటించిన చిత్రాల్లో ‘విక్రమార్కుడు’ తర్వాత తనకు బాగా నచ్చిన సినిమా ‘ఇరుముడి’ అని జి.వి. ప్రకాశ్ తెలిపారు. సినిమా చూసిన తర్వాత కూడా దాని ప్రభావం ప్రేక్షకులపై కొంతకాలం కొనసాగుతుందని అన్నారు.
పాత్రల్లో వచ్చే అనూహ్యమైన మార్పులు, వాటి వైవిధ్యమైన నిర్మాణం ‘ఇరుముడి’ని సంగీతపరంగా ప్రత్యేకంగా నిలబెట్టాయని ఆయన చెప్పారు. సైకాలజికల్ సన్నివేశాలకు ఎక్కువ శబ్దాలు, అనేక లేయర్లు ఉపయోగిస్తే భావం దెబ్బతింటుందని భావించి.. కొన్ని సన్నివేశాలకు కేవలం రెండు, మూడు వాయిద్యాలతోనే నేపథ్య సంగీతాన్ని రూపొందించినట్లు వివరించారు.
మనుషుల అంతర్గత సంఘర్షణను సంగీతం ద్వారా వ్యక్తీకరించడం అంత సులభం కాదని, అందుకే ప్రతి సన్నివేశాన్ని చాలా జాగ్రత్తగా పరిశీలించి స్వరాలను సమకూర్చినట్లు తెలిపారు. ఇందులో మొత్తం ఐదు పాటలు ఉన్నాయని చెప్పారు.
‘యాలాలో’ పాట తనకు ఎంతో ఇష్టమని, క్లైమాక్స్లో వచ్చే భావోద్వేగ గీతం కూడా ప్రత్యేకంగా ఉంటుందని జి.వి. ప్రకాశ్ పేర్కొన్నారు. ప్రస్తుతం ‘మల్లెపూల పల్లకి’ పాట ట్రెండింగ్లో ఉందని తెలిపారు. దర్శకుడు శివ నిర్వాణకు సంగీతం, సాహిత్యంపై మంచి అవగాహన ఉందని.. ఆయనతో కలిసి పనిచేయడం మంచి అనుభూతిని ఇచ్చిందన్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
