వేసవి సెలవులు ముగుస్తుండటంతో తిరుమల తిరుపతి లో భక్తుల రద్దీ కొనసాగుతోంది. మరో రెండు వారాల్లో పాఠశాలలు ప్రారంభం కానుండటంతో తల్లిదండ్రులు తమ పిల్లలతో కలిసి శ్రీవారిని దర్శించుకునేందుకు పెద్ద సంఖ్యలో తరలివస్తున్నారు. దీంతో ఆదివారం రికార్డు స్థాయిలో 98 వేల మంది భక్తులు శ్రీవారిని దర్శించుకున్నారు.
ఈరోజు ఉదయం నుంచే వైకుంఠం క్యూ కాంప్లెక్స్లో భారీ రద్దీ నెలకొంది. అన్ని కంపార్ట్మెంట్లు పూర్తిగా నిండిపోవడంతో, క్యూలైన్లు నారాయణగిరి ఉద్యానవనం వరకు విస్తరించి కిలోమీటర్ల మేర భక్తులు వేచి ఉన్నారు. టోకెన్లు లేని భక్తులకు సర్వదర్శనానికి సుమారు 24 గంటల సమయం పడుతోందని టీటీడీ అధికారులు తెలిపారు.
గడిచిన 24 గంటల్లో (ఆదివారం) మొత్తం 98,058 మంది భక్తులు శ్రీవారిని దర్శించుకున్నారు. ఇందులో 49,234 మంది భక్తులు తలనీలాలు సమర్పించి మొక్కులు చెల్లించుకున్నారు. శ్రీవారి హుండీ ఆదాయం రూ. 4.09 కోట్లు వచ్చినట్లు అధికారులు వెల్లడించారు. అలాగే రికార్డు స్థాయిలో 4.2 లక్షల లడ్డూ ప్రసాదాలు విక్రయించినట్లు తిరుమల తిరుపతి దేవస్థానం తెలిపింది.
భక్తులకు క్యూలైన్లలో పాలు, తాగునీరు, అన్నప్రసాదాలు నిరంతరాయంగా అందిస్తున్నట్లు అధికారులు తెలిపారు. రద్దీ మరింత పెరిగే అవకాశం ఉన్న నేపథ్యంలో ప్రత్యేక ఏర్పాట్లు కొనసాగుతున్నాయి.
Andhra pradesh Andhrapradesh APNews BreakingNews Breaking news BusinessNews ChandrababuNaidu CricketNews CrimeNews EntertainmentNews Geopolitics governance Government India IndiaNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews Telangana TelanganaNews TeluguCinema TeluguNews Tollywood TrendingNews TrendingNow ViralNews WorldNews
